ELLISPRELLIÚTLENDINGUR

Hjólaðu strákur, hjólaðu!

2007-11-30T18:30:00.001+01:00

Gunnar Tumi er farinn að hjóla án hjálpardekkja!

Við feðgarnir röltum áðan út í kiosk að kaupa föstudags ísinn. Allt í einu vildi GT láta taka hjálpardekkin af og ég "gúdderaði" það og vippaði þeim af þegar við komum heim. Ég var klár með kústskaftið til að styðja við pjakkinn en hann starði bara á mig og sagði "pabbi, þú þarft ekkert kúst, ég kann alveg að hjóla". Ég jánkaði bara og brosti með sjálfum mér (hélt að hann væri bara svona líkur pabba sínum og myndi þrjóskast við og síðan hrynja á hausinn). Síðan sest hann upp á hjólið og straujar af stað. Hjólar eins og hann hafi aldrei gert annað. Pabbinn í panik...ég bjóst náttúrulega engan veginn við því að hann gæti þetta..."bíddu Gunnar, ekki svona hratt, bíddu...passaðu þig". Svo stoppar hann bara og segir "pabbi, sjáðu bara. Ég kann alveg að hjóla".

Húmor, sviðsframkoma og kósíheit.

2007-11-09T10:41:00.000+01:00

Raggi vinur minn benti mér á viðbjóðslega fyndinn sketch. Ég er búinn að liggja í krampa yfir þessum sketch og fór að skoða hvaða náungar eru. Þeir heita The whitest kids u know og er samansafn New York náunga sem eru að slá í gegn. Allavega hér slóðin http://www.youtube.com/watch?v=BkgMbU-we1o .

Ég er við sama heygarðshornið. Við hestaheilsu og úberhress. Alveg að springa ég er svo hress. Ég er byrjaður að hreyfa á mér rassgatið aftur. Pásan sem ég tók, sem átti reyndar upprunalega bara að vara í c.a. 2 daga, var orðin allt of löng. Svo rúllar skólinn eins og venjulega. Þetta er reyndar óttalegt "afslappelsi" þessi önn. Lítið lestrar álag og kósíheit. Þannig að ég stíla á það að vera kominn í jólafrí um 15 des. og vera í fríi til 4. jan. 2008. Hvernig líst ykkur á það? Jebb mér líka.

Á morgun er svo singstar night hjá mér, Erlu og nokkrum fleirum. Ég er farinn að hita upp og taka skalann ótt og títt. Hann er reyndar ekki alveg fínstilltur hjá mér (verður seint) en ég óttast ekki neitt. Málið er nefnilega að gefin verða stig úr sal fyrir sviðframkomu, einlægni, dansa og annað og ég veit vel að ég hef alltaf geislað á sviði...alveg frá því að Venni Linnet sagði mér í leiklist í Breiðholtsskóla í denn að ég hefði svo gríðarlega mikla útgeislun og nærveru (reyndar sagði hann að hún væri allt of mikil og bað mig um að hafa mig hægan). Þannig að ég er "set for tomorrow".

Góða helgi,
Elli

Við erum ömurleg fótboltaþjóð

2007-10-17T21:35:00.000+02:00

Akkúrat núna erum við að tapa fyrir Liechtenstein í fótbolta. Common!! Leikurinn er að vísu ekki alveg búinn en engu að síður erum við að tapa. Við erum að tapa fyrir þýskumælandi skattaparadís sem er enn meira smáríki en við. Staðan er 3-0 og þetta er svona svipað og steinliggja fyrir Vatíkaninu eða Mónakó í handboltaleik. Ég verð að vera fyllilega hreinskilinn og viðurkenna að ég sé það ekki gerast. Hvað er maður að pirra sig á þessu? Við erum bara ekki betri (þrátt fyrir að ég vilji nú meina það að við séum í raun betri en þetta. Við eigum fullt af leikmönnum sem spila með fínum fótboltaliðum en þegar þeir hins vegar klæða sig í landsliðsgallann þá drulla þeir oftast upp á bak).

Sáuð þið nýráðinn aðstoðarmann Dags B.? Guðmundur Steingrímsson tekinn við stöðunni, takk fyrir túkall! Usss, það á eftir að leka kynþokkinn af þessum tveimur spöðum þegar þeir taka sér pásu, kíkja út fyrir og gefa öndunum með kaffi í annarri og brauðmola í hinni. Mér finnst eitthvað pínu skondið við þetta teymi þrátt fyrir að ég hafi mikla trú á þeim. Það verður spennandi að sjá hvernig þeim vegnar.

Heyrumst.
Elli

Helgin að baki...

2007-10-09T21:43:00.000+02:00

Þetta var bara nokkuð skemmtileg og viðburðarík helgi. Á laugardeginum var golfmót úber knattspyrnuklúbbsins Heklu. Ég tók þátt og...ja stóð mig eftir væntingum. En það var nú samt sem áður algjört aukaatriði því viðvaningar eins og ég áttu aldrei breik og gátu látið sér nægja að rúlla með og hafa gaman af. Og við gerðum það (þó að stundum hafi vangeta mín valdið örlitlum pirringi). Við fengum frábært veður og ég náði meira að segja að brenna pínu í sólinni. Það var reglulega kósý að rölta á bolnum í sólinni og það þegar komið er fram í október.

Vegna golfmótsins komum við í allra seinasta lagi á tónleikana með Pétur Ben. en það var nú allt í gúddí. Það voru frekar fáir á tónleikunum og þeir byrjuðu satt best að segja pínu stirrt. En þegar á leið virtist hann (ásamt fríðu föruneyti sem samanstóð m.a. af Sigtryggi Baldursyni sem var senuþjófur kvöldsins að mínu mati) verða svolítið þéttari. Hann keyrði upp tempóið og eftir því sem keyrslan jókst urðu tónleikarnir betri. Ætli klímax tónleikana hafi ekki verið þegar hann tók Billie Jean og gerði áhorfendur (mig allavega) forviða með ótrúlegum gítarleik. Allt í allt voru þetta ágætistónleikar. Ekkert frábærir en nokkuð góðir.

Síðan kíktum við Hrannar á pókerkvöld þar sem menn voru orðnir ansi hressir og flestir hverjir aðeins of hressir. Pókerinn var eiginlega farinn fyrir ofan garð og neðan og allt flæddi í bjór. Nokkuð fyndin sjón. En síðan endaði þetta hálf tristu bæjarrölti.

Hvað er annars málið með þessa sameiningu orkufyrirtækja á ze kleik? Er ekki kominn tími á að fleygja Bingó Bjössa; Villa Skill og félögum í ruslið, ja...eða hvað?

Góðar stundir.

2007-10-05T18:55:00.000+02:00

Það er yndislegt að vera stúdent!! Frábært, yndislegt!! Ég er í tiltölulega erfiðu námi og þarf að lesa skratti mikið til að standa skil á mínu. En í morgun þá vaknaði ég og ákvað að taka mér frí í dag (reyndar held ég að ég hafi verið búinn að ákveða það fyrir nokkrum dögum svona undir niðri). Engin lestur. Ekkert farið upp í skóla og upp á lesstofu með kaffi. Bara kósíheit par exelans eins og Baggalútur myndi orða það. Ekkert samviskubit af því ég er búinn að vera duglegur alla vikuna. Engar spöglerasjónir um að ég þurfi nú að vera þarna og láta sjá mig. Ég elska að vera stúdent. Ég er að spá í fara aldrei út á vinnumarkaðinn og enda bara uppi með 13 doktorsgráður- læra þangað til ég dett niður dauður. Hvernig væri það?

Svo er ég að fara í golfmót Heklunnar á morgun. Það verður örugglega mjög gaman. Spáð frábæru veðri, svipuðu og í dag (það var sól og blíða...fínt íslenskt sumarveður) og ég verð í góðum félagsskap. Annars held ég að ég sé orðinn ansi ryðgaður í golfinu. Búinn að spila 2 síðastliðin 2 ár. En vitiði hvað...málið er að ég er bara með þetta!!! Þarf ekkert mikið meira en einhvers konar skaft í höndina, græna víðáttu og bolta sem ég get hamrað eitthvert og það hrynur allt ofan í þessar holur. Svona á meiri alvöru nótum þá treysti ég talsvert á einkar tilkomumikinn golfbúnað minn á morgun og held að hann verði til þess að bæta árangur minn talsvert. Golf er nefnilega ein af fáum íþróttum í heiminum þar sem töff búnaður er í raun mikilvægari en flest annað;) Ég er nú nokkuð töff, svo að ég held að þetta reddist allt saman.

Núna er yndislegu börnin mín að horfa á einhverja froðu á Disney stöðinni. Þau gætu ekki verið glaðari en þau eru akkúrat núna. Þau eru að horfa á mynd sem heitir "High School Musical 2" og er svona nútíma Grease nema að hún er í C-mynda flokki. Kara grettir sig af innlifun meðan hún horfir á svona "american pies" stelpur dansa úr sér lífið með aðeins of stílfærða hárgreiðslu sem ekki haggast sama hvað á dynur. Og Gunnar Tumi horfir á hálf hallærislega unglingsstráka með derhúfur út á hlið rappa. Þetta er fyrirmyndirnar- ungmenni amerískrar ómenningar. Æji hvað með það? Byrjum bara á Heimsljósi á mánudaginn.

Fimmtudagur til froðu...

2007-10-04T15:03:00.000+02:00

Kominn fimmtudagur. Það er ótrúlegt hvað tíminn líður hratt hérna. Það er einhvern veginn alltaf helgi. Kannski er það bara til marks um að manni líði vel og sé hamingjusamur því tímaleysi og algleymi getur aðeins gert í ró og gleði. Svona "engar fréttir eru góðar fréttir" pæling.

Annars er gaman að því hvað dyggir lesendur mínir eru duglegir að kommenta og ég vona að það haldi áfram.

Það er búin að vera athyglisverð umræða í gangi í fjölmiðlum hérna í Danmörku undanfarið. Hún snýst um það að í síauknu mæli eru unglingar sem eru undir sakaldri gerendur í mjög aggrisívum ofbeldisverkum. 15 ára pjakkur framdi t.a.m. morð sem talið er að hafi verið skipulagt af eldri "síafbrotamönnum". Umræðan snýst nefnilega um það að skipulagðir glæpahringir eru farnir að nýta sér ósakhæfa unglinga (bara drengi) til að fremja ofbeldisverk fyrir sig. Það hefur reynst danska ríkinu afskaplega erfitt að höndla þessi mál. Það er nefnilega alls ekki vilji fyrir því að setja þessa pjakka í fangelsi með enn harsvíraðri glæpamönnum og önnur úrræði fyrir þá eru af skornum skammti (meðferð á t.d. ekki alltaf við, að taka þá í burtu úr umhverfi sínu og koma þeir fyrir annars staðar er gríðarlega kostnaðar- og vandasamt og þar fram eftir götunum). Þar af leiðandi eru þeir teknir úr umferð í skamman tíma og er síðan komnir aftur á "götuna" innan skamms til að halda ruglinu áfram. Það er athyglisvert hvernig Danirnir tækla þetta mál því ég er handviss um það að eftir einhvern fjölda ára förum við að sjá svipaða þróun á Íslandi (líklega þó í langtum minna mæli).

Anyways...sáuð þið Dida (markmann fótboltaliðsins AC Milan fyrir þá sem eru ekki að kveikja) fleygja sér í grasið á móti Celtic (málavextir eru þeir að AC milan var að keppa á móti Glasgow Celtic í Meistaradeildinni og Skotarnir skoruðu sigurmarkið undir lok leiksins og fagna ógurlega. Þá hleypur einhver stuðningsmaður Celtic inn á völlinn og klappar Dida á kinnina)? . Ja hérna!! Fyrst er honum klappað á kinnina, svo tekur hann sprettinn á eftir gæjanum og síðan 5 sekúndum seinna fleygir hann sér í grasið og er borinn á börum út af með kælipoka á andlitinu!!! Set inn klippuna af þessu. Þetta var alveg absúrd fáránlegt. Samt svolítið til marks um það hvað það eru fáir í nútíma fótbolta sem spila alvöru bolta (og á þeim nótunum held ég áfram og segi "lifi handboltinn!!!!"). Ég set inn link til að skoða þetta.

http://www.dailymotion.com/fwoman/video/5250449

Er búinn að vera að hlusta á nýju Beirut plötuna sem heitir the flying club cup. Frábær plata og flott áframhald frá Gulag orkestar. Ekki alveg eins mikill balkan fílingur í þessu. Svo var Jose Gonzales að gefa út nýja plötu (in our nature) og heldur áfram að slá í gegn með frábærum coverum. Tekur núna ótrúlega flott cover af teardrop með Massive Attack. Hann er að vísu pínu einsleitur alltaf...en samt skemmtilegur. Þetta, ásamt öðru, fyllir skynvit mín þessa dagana í strætó á morgnana.

Jæja, komið fínt í bili. Heyrumst. Læt ykkur vita hvernig sæti gaurinn með síða hárið til hliðar var á tónleikum;)

Sprelló.

Heibba heibba...

2007-09-30T21:39:00.000+02:00

Mættur. Veikindi og slen hafa verið að hrjá okkur fjölskylduna undanfarna daga. Fyrst steinlágu krakkarnir og svo lágum við Erla...við urðum að vísu ekki neitt ógurlega lasin.

Haustið er farið að svífa yfir vötnum og svona grámi sem liggur yfir öllu. Haustið er eitthvað svo pólað. Annars vegar kemur einhver tilhlökkun til vetrarins og alls sem hann ber með sér. Ný viðfangsefni, nýtt fólk og fullt í gang og allt það. Umhverfið og litirnir verða djúpir og fullir af einhverri meiningu og yfirvegun og fólkið fylgir í kjölfarið í rútínubundna yfirvegun líka. En í sama mund fylgir haustinu líka einhver þyngsli...einhver grámygla og orkuleysi. Svona hangover eftir sumarið og pínu hræðsla við alvöru vetrarins.

Pétur Ben. er víst að fara að spila hérna í Arhus um helgina. Spilar í Voxhall og ég var að spá í að kíkja á hann. Fín platan hans "wine for my weakness". Það er alltaf svo gaman að fara á tónleika. Veit þó ekki hvort hann slái við !!!(chk chk chk) tónleikunum í Voxhall. Það verður erfitt.

Ætla að detta í hámenninguna (So you think you can dance nefnilegast).

Heyrumst.

Heil og sæl.

2007-08-25T13:06:00.000+02:00

Heil og sæl, heil og sæl.

Langt síðan síðast enda er ég kannski ekki sá sterkasti í þessu bloggi. Eeeeen, ég verð að reyna. Annars munu allir mínir dyggu lesendur verða fyrir gríðarlegum vonbrigðum. Fólk af öllu tagi, alls staðar í heiminum. Svo að ég mun ekki láta deigan síga (ótrúlega boring blogg þegar fólk er að afsaka það að það bloggi ekki oftar. Ömurlegt helvíti. En svona er ég bara; ömurlegur).

Við erum komin heim. Heim í yndislega litla, idiot-proof heiminn okkar. Kosý og afslappað. En annars erum við skötuhjúin búin að vera eins og brjálæðingar við æfingar. Stefnan sett á undirfata auglýsingar...sundskýlu framleiðandinn Speedo hefur sett sig í samband við mig og vill vita hvenær ég verð kominn í nægilega gott form. Næ líklega katalognum fyrir næsta vor. Búið ykkur undir að sjá fyrsta apann í speedo. Er nefnilega búinn að þvertaka fyrir alla vaxmeðferð fyrir myndatökurnar. Þetta verður spennandi.

Anyways...ætla að fara til Horsens og sjá þykjustu víkinga þykjustu drepa hvern annan við mikinn fögnuð viðstaddra (erum að fara á víkingahátíð í Horsens).

Heyrumst.

Sumarfrí...

2007-06-11T10:40:00.000+02:00

Jæja, nú er kominn tími á sumarfrí. Ætla að segja pass við þassari síðu í bili og kem tilbaka eitur hress að hausti.

Ég kem til Íslands núna á fimmtudaginn (14. júní) og verð í Stigó. Er ekki kominn með síma en síminn í Stigó er 564-3392

Heyrumst.
Elli.

P.s. ef einhverjum langar í útilegu núna um helgina þá er ég til.

Neibb...ekki hættur í bili

2007-04-30T20:21:00.000+02:00

Svaf á því hvort ég ætti að "beila" á þessu bloggeríi. Gonna keep it up. Allavegana eitthvað.

Heyriði...Gudjohnsen tekur boltinn af tánnum af næsta manni. Hleypur upp vinstri kantinn, sólar einn, sólar annan. Snýr á þann þriðja, sem síðan dettur greyið. Allt gerist þetta eins og í slow-motion og....og...og Gudjohnsen skorar. Sitt fyrsta mark í leiknum. Jú ég veit af hverju þetta virkaði allt svona hægt og af hverju blessaður kappinn flaug bara á hausinn. Hann var bara 4ra. Og sá sem skoraði var bara 3ja. Jebb, Gunnar Tumi skoraði á fótboltaæfingu. Var í Gudjhonsen búningnum sínum. Var þvílíkt sáttur með afrekið. Fyrsta sem hann gerði var að athuga hvort pabbi hefði ekki örugglega verið að horfa. Auðvitað var sá gamli að horfa. Síðan skælbrosti hann bara. Stuttu seinna var einhver svo ónotalegur að dúndra (eins fast og 4ra ára piltar geta annars dúndrað) boltanum í hann og þá kom skeifan. Andhverfa skælbrosins. Svo tveimur sekúndum síðar nístandi grátur. "Pabbi, hann sparkaði bara í miigggggg!!!". Það er ekki tekið út með eintómri sældinni að mæta á fótboltaæfingar 3ja ára. En þá er líka fínt að hlaupa aðeins í fangið á pabba sínum og kúra pínu stund.

Annars er þetta same old, same old. Erla að rembast við að hætta að reykja og við hin í viðbragðstöðu á meðan.

Ég er búinn að kaupa flugið heim. Allt komið á fast varðandi vinnuna í sumar. Ég verð í sama pakka og í fyrra og kem heim 11. júní. Á dagskrá um sumarið: hafa það notalegt í Stigó, kíkja í mat til Malla og Agga, láta baka mig í squash, fara í sumó og raka kartöflugarðagrasið hennar múttu (taka allavega stærstu hnullungana;), ferðast pínu um Ísland, detta í það í bjartri sumarnóttinni, heilaþvo hundruði unglinga um mikilvægi hugans og geðsins, fara í neslaugina, fá mér pylsu, fá með eldsmiðjupizzu, segja "eina appelsín, takk", hlaupa úti í endalausa súrefninu sem "svífur yfir vötnum" þarna og margt fleira. Þetta verður stuð. En fyrst þarf ég að tækla verkefni hérna. Sjáum hvernig það fer.

Svo vil ég gjarnan óska Valsmönnum til hamingju með Íslandsmeistartitilinn. Þetta var flott. Voru stabílir og stinnir á stóru mómentunum og áttu dolluna skilið. Sérstaklega langar mig til að óska Óskari Bjarna þjálfara til hamingju. Hann er búinn að leggja mikið inn fyrir þessum titli. Las mjög fallegan og innilegan pistil eftir hann á valur.is þar sem hann þakkar fólkinu í kringum sig. Það mættu margir taka sér þann mann til fyrirmyndar. Auðmjúkur sigurvegari...það eru ekki allir sem hafa þann persónueiginleika. Reyndar er ég nokkuð viss um að margir taki hann sér til fyrirmyndar nú þegar. Allavega geri ég það.

Heyrumst.
Elli.

Good times...

2007-04-29T20:46:00.000+02:00

Búið að vera frábært veður hérna í Árósum undanfarna daga. Svo gott að ég kvíði hálfpartinn fyrir prófalestri. Ekki það að ég kvíði honum ekki hvort sem er. En meira!

Ég kíkti á Midlake tónleikana í gær. Voru fínir tónleikar. Rólegheita, soothing stemming. Voru nokkuð þéttir bara. Mæli með Midlake fyrir leitandi sálir. En þetta voru engir !!! (chk, chk, chk) tónleikar. Við fórum á þá um daginn og það eru held ég bara langskemmtilegustu tónleikar sem ég hef farið á. Þvílíkir töffarar. Sexý stemming í loftinu þegar þessi egó sem þeir eru stigu á stokk.

Annars rúllar lífið áfram hérna...æji ég nenni ekki þessu bloggi. Er orðinn einhvern veginn hálf latur við þetta. Finnst þetta orðið pínu þreytt. Ætla að sofa á því hvort ég segi ekki pass við þessu í bili.

Heyrumst,
Elli.

Sprunginn...

2007-04-15T20:54:00.000+02:00

Ég er alveg búinn á því núna. Við héldum 2 afmæli fyrir Köru um helgina...eitt bekkjasystra afmæli og eitt íslenskt afmæli. Litla stelpan mín orðin 7 ára skvísa. Get varla haldið uppi höndunum ég er svo þreyttur (...af hverju í ósköpunum ætti ég vera mikið með hendurnar beint upp í loft?...en það er önnur pæling). Erla var eins og hershöfðingi í eldhúsinu í kökubakstri alla helgina. Ég skil ekki hvernig hún heldur augunum opnum núna. En frábær helgi að baki sem heppnaðist vel. Ég ætla að fara að slefa í koddann minn og hrjóta duglega.

Heyrumst...
Elli.

Flöskudagur...

2007-03-16T13:30:00.000+01:00

Ég var eitthvað að bauka í dagbókinni minni og var að tala (e-ð sem ég geri afskaplega mikið af) með sjálfum mér. "föstudagur...flöskudagur..." og þá rifjaðist upp fyrir mér allar þær stundir sem ég eyddi í að hlusta á tvíhöfða á gamla x-inu. Hlusta á Jón Gnarr og Sigurjón Kjartans. rugla um lífið og tilveruna og á hverjum föstudegi þá rifust þeir um hvað það væri óþolandi þegar fólk segði "jæja, bara kominn flllööskkudagur...ehh". Ég gat hlegið endalaust yfir þessari vitleysu. Það voru víst sömu týpurnar og sögðu "eh...hvað segir kjallinn?" og töluðu líka um "kjellingarnar". Og svo pikkaði maður húmorinn þeirra upp og reyndi að apa eftir þeim með mismunandi hætti og vera fyndinn (ekki er ég fyndinn bara svona af sjálfsdáðum...það er á tæru). Oh...those we´re the days. Allur í flækju í eigin tilveru vitnandi í verðandi presta og fyrrverandi þungarokkara í von um að vera fyndinn.

Var að kaupa miða á Midlake. Fyrir þá sem ekki þekkja til, þá ætla ég að bera út boðorðið og mæla með þeim. Gáfu út mjög skemmtilega plötu í fyrra sem heitir The Trials of Van Occupanther (eru víst búnir að gefa út eina aðra en ég hef ekki fundið hana). Allavega ég keypti miðann minn á 90 kr. og Erla var að kaupa sér miða á George Michael fyrir 700 kr. Ertu ekki að fuckin´ grínast hvað það er verið að blóðmjólka fólk? Goggi Whammari á 700 kall (þetta er allavega 8.500 ísl. kr.)!! Ok, hann er alveg ógeðslega sætur og hann hefur átt þónokkra smelli. Gaman að sjá hann á tónleikum. Hann er eins og Raggi kunningi minn komist að orði svona "spectacle" týpa (það er ekkert almennilegt orð yfir spectacle á íslensku, bein þýðing væri hátíðasýning. Það er alveg ömurlegt orð og graspar ekki meininguna). Ég er alveg sammála því. Madonnu fílingur. En common. Mér finnst þetta allt of dýrt. Radiohead og U2 væru ekki svona dýrir. Ef að Elvis myndi halda tónleika í apríl í Árósum þá væri það heldur ekki svona dýrt!! Ég fullyrði það.

Annars styttist óðum í Tenerife og ég þarf að fara hysja upp um í skólanum. Ekkert í volli svo sem en það væri fínt að vera með hlutina á tæru svona einu sinni. Það er komið vor hérna í Árósum og maður fyllist einhvern veginn af lífi. Það er stutt í manískt-depressíva Íslendinginn í manni sem stöðugt þarf á birtu að halda til að vera glaður. Æji...ég er alveg að fíla þetta. Fínt að rúlla aðeins á milli hæða og lægða. Vera ekki alltaf í "húsinu á sléttunni" pakkanum.

Ætla að fara að kíkja í physiologí-ina. Það verður stuð. Skál...lifi flöskudagurinn!!

miðvika...

2007-02-28T20:43:00.000+01:00

Ekki mikið í gangi hjá mér...nema að við erum að fara til Tenerife um páskana (við fjölskyldan og Linda, Hrannar og Auður Erla)!! Jebbs, það verður geðveikt...sunblock á alla í okkar familíu allan tímann nema köru. Veit ekki alveg hvað maður er að spá. Gæti alveg eins verið í úlpu þarna á Kanarí. Ekki verð ég brúnn svo mikið er víst. Verður rauður og svo...neibb því miður bara aftur hvítur. Annars er ég nú búinn að láta það flakka að ég verði eingöngu á g-streng og hlýrabolnum frá lendingu og fram að brottför. Hvernig finnst ykkur það? Já, ég vissi það. Alveg það sama og mér finnst...TÖFFFFF.

The school er byrjaður á fullu og ég hundskast upp í skóla á hverjum degi. Er kominn með félaga með mér í skólanum sem heitir Haukur og á hann þökk skilið fyrir að vera til staðar og drekka kaffi með mér í skólanum. Var farinn að klepra á þessari einveru þarna og eiginlega hættur að nenna læra upp í skóla...sem svo gerði það aftur að verkum að lærdómurinn fór fyrir lítið þar sem ég er ekki nægilega duglegur heimafyrir (alls konar truflandi faktorar hérna heima). Þannig að þetta er allt í áttina. Það hefur lítið breyst í sálfræðiskor Árósarháskóla frá síðustu skrifum mínum um nemendurna þar. Pjöllurnar ennþá með Snooby strokleðurinn sín og hugga sig með teppi við fyrirlestra virtra fyrirlesara spöglerandi í hverju þessar elskur eigi að vera í um helgina. Æji, þær eru svo sem ágætar. Eru alveg til að ljósrita fyrir mann lesplönin sín og lána manni glósur úr síðasta tíma og svona. Það vantar samt allt fútt í þetta lið. Það er aldrei svona "alvöru" fílingur þarna. Bara kaffi-andfýla, hár út í loftið og svitafýla eftir lestur næturinnar. Aldrei bara "æji fuck it hvað ég nenni ekki að spá í þessu liði í dag". Aldrei stelpa (eiginlega eingöngu stelpur) sem kemur án þess að hafa haft sig aðeins of mikið til. Þið vitið týpuna...aðeins of mikið til haft hárið og aðeins og mikil ilmvatnslykt.

Ég er nú samt ekkert svona reiður. Byrjaði bara að ausa úr skálum reiði minnar (eiginlega alveg óvart...ætti kannski að tékka nánar á þessu...hvort það þurfi að kreista þetta kýli enn fremur og vinna með það). En áður en ég fer að snerta á viðkvæmari málefnum en veimiltítuhætti sálfræðinema í Árósum þá ætla ég að hætta, bjóða góða nótt og segja bæjó.

Elli.

Denmark...klikkar ekki

2007-02-22T15:39:00.000+01:00

Við erum komin til Danmerkur aftur. Gott að vera kominn heim eftir fínt stopp á Íslandinu góða. Gaman að hitta alla þá sem manni þykir vænt um og búa á skerinu.

En þegar við komum til baka byrjaði að snjóa og það hefur kyngt niður snjónum hérna á Jótlandi. Í dag var það síðan þannig að öllu skólahaldi var aflýst, strætó gekk ekki og fólk var flest bara heima hjá sér í dag. Ég ætla svo sem ekkert að gera lítið úr þessum snjó en hann er alveg garanterað ekki svo mikill að ekki sé hægt að fara í skólann eða sinna sínu daglega amstri. Danirnir eru alveg í sjokki. Skilja bara ekkert í þessu. Set inn nokkrar myndir af ósköpunum.

Ég hef alltaf dáðst að einu í fari Dana og það er þessi samhugur sem einkennir þjóðina. T.d. var sett upp sérstök tilkynning á heimasíðu kommúnunar (bara eins og heimasíða Reykjavíkurborgar) að fólk ætti að vitja eldri nágranna sinna og athuga hvort þeim vanti eitthvað og hvort þeim líði ekki örugglega vel í þessum mikla snjó. Hér er tilkynningin;

Se til ældre naboer i snevejret
22. februar 2007
Århus Kommune opfordrer folk til at kigge ind til, eller ringe til ældre mennesker i nabolaget og sikre sig at de har det godt og ikke mangler mad eller andre fornødenheder.

En ég er nú samt á þeirri skoðun að maður geti alveg klætt þetta af sér og labbað út í snjóinn.

En svona til að ljúka þessu þá ætla ég að setja inn mynd af sjálfum mér sem var tekin einhvern tíma í fyrra og sýnir minn innri mann. Þið sem haldið að þið þekkið mig eitthvað...hahahaha ég er búinn að vera plata allan tímann. Þetta er ég í alvörunni

Næsland og afmæli...

2007-02-19T12:23:00.000+01:00

Ég á afmæli í dag, ég á afmæli í dag, ég á afmæli ég Elli, ég á afmæli í dag. Ég er 25 ára í dag, ég er 25 ára í dag, ég er 25 ára Elli, ég er 25 ára í dag. Veeeiiiiiii.

Jebbs, skrattakollurinn orðinn 25. Er ekki talað um að hátindi karlmennskunar sé þar með náð og leiðin liggi niður á við hér eftir. Við skulum vona ekki (allavega held ég að Erla spenni greipar...þið vitið hvað ég meina).

Dagurinn verður með rólegra móti. Kíkja í sund með gríslingunum og snattast eitthvað. Svo er það bara dene á morgun. Það verður fínt að fara í rútínuna sína aftur. Ég er ekkert ólíkur krökkunum með þetta. Líður hvað best heima og í rúllinu mínu. En þetta hefur verið fín ferð. Ágætt að fá íslenskt veruleikasjokk öðru hverju og finna hvað bíður manns þegar námi lýkur.

Bið að heilsa þeim sem mig vilja þekkja,
Elli.

Er á Íslandi...

2007-02-12T12:15:00.000+01:00

já ég er á Íslandi...er búinn að vera hundlasinn síðan ég kom í síðustu viku. Er að berja þetta af mér í rólegheitum.

Ég verð á Íslandi fram á þriðjudag í næstu viku (20. feb) og þið getið náð í mig í síma 31721925.

Kveð í bili,
Elli

"Þetta er að skella á"...

2007-01-30T14:49:00.000+01:00

eins og Bubbi (eða Böbba Sparks eins og gárungarnir kalla hann) segir gjarnan boxlýsingunum. Danir á eftir. Er orðinn ansi spenntur. Hef blendnar tilfinningar gagnvart þessum leik. Vongóður en kvíðinn. Held að við vinnum en meika ekki ef við töpum. Voða týpískt svo sem.

Danirnir eru með hörkulið. Kasper Hvidt er besti markmaður í heimi (spyrðu hvaða Dana sem er). Mér finnst hann klárlega einn af þeim allavega. Gríðarlegur keppnismaður og góður á "stóru mómentunum", þ.e. í mikilli spennu og miklu álagi. Það sem ég hræðist eiginlega mest hvað hann varðar er hversu góður hann er einn á móti einum (t.d. af línu, horni eða hraðaupphlaupum) og við erum að slútta svolítið mikið þannig.

Þeir spila mjög góða vörn þar sem Lars Jorgensen er þeirra fyrirliði. Það er svolítið fyndið að segja frá því að fyrir mótið þá skipaði Ulrik Wilbek, þjálfari Dana, mönnum í ráðherra embætti (áþreifanleg hlutverkaskipti...þetta á víst að vera mjög móðins í vinnusálfræði). Sumir leikmenn voru skemmtiráðherrar (sáu um afþreyingu leikmanna), aðrir ferðaráðherrar (sáu um að taka bolta og annað því um líkt) og Lars Jorgensen var varnarmálaráðherra. Hann var síðan spurður út í þetta og var hálf ósáttur við hlutverk sitt, vildi mun frekar vera sóknarmálaráðherra (þó frekar í gríni en alvöru...hann er hálf stirðbusalegur í sókninni blessaður).

"Sóknarmálaráðherra" Dana er síðan Joachim Boldsen. Fermeterinn sem við elskum að hata. Hann er ekki hár í loftinu og þeim mun stærri á aðra kanta. Hann hefur verið frábær í mótinu það sem af er. Einn besti fintarinn (gabbhreyfingar) í boltanum. Minnir mig pínu á það hvernig Maradonna spilaði fótbolta. Með þyngdapunktinn mjög neðarlega og einhvern veginn aldrei hægt að setja hann í gólfið. Hann hættir aldrei og ótrúlega lunkinn við að finna göt í vörninni. Gallinn hans að mínu mati er hversu fljótt hann brýtur sig úr öllu skipulagi (öllum kerfum sem sett eru upp) sem gerir það að verkum að þetta verður pínu "one man show". Aðrir pínu óöruggir í kringum hann. Ég vil meina það að hversu hann hefur spilað vel í mótinu hafi bitnað á heildar sóknarleik Dana.

Síðan eru þeir náttúrulega með "dúlluna", hann Lars Christiansen. Búinn að skora fáránlegt magn marka en ég ætla hér með að segja ykkur eitt. Hann á ekki eftir að geta neitt á eftir að því að hann drullar alltaf á sig á "stóru mómentunum". Lítið hjarta og það bitnar á honum í svona leikjum. Ég segi að Lars Rasmussen verði kominn inn á annað hvort um miðjan fyrri hálfleik og eða í hálfleik.

Ætla aðeins að hrauna yfir Danina. Oftast hefur mér fundist þeir spila mjög góða taktík (hafa góð sóknarkerfi) en í þessu móti hefur það ekki verið eins gott að mínu mati. T.d. hafa þeir verið mikið að spila tvöfalda klippingu sem endar á því að vinstri skyttan kemur á öfugum vallarhelmingi (þar sem hægri skyttan er vön að spila) upp í skot með tvöfalda blokk. Úrslitamarkið sem Anders Oechsler skoraði á móti Noregi var að mig minnir einmitt þannig mark. Búið að þrengja skotgeira skyttunnar fullt og hreinlega bara erfitt skot. Þeir eru nefnilega í pínu vandræðum þar sem Per Leegaard (örvhenta skyttan þeirra) er ekki búinn að vera góður. Reyndar var "stjarnan" frá Aarhus Kasper Sondergaard (líka örvhent skytta) enn verri. Því hafa þeir neyðst til að hafa rétthentan hægra meginn sem gerir allt flot (hversu vel boltinn gengur milli manna) mun erfiðara og höktandi. Gæti verið sniðugt fyrir okkur að pressa svolítið á rétthentan hægra megin þegar hann er með boltann svo hann lendi í vandræðum. Tel að það verði Boesen sem spili mikið þar í dag.

Vörn, markvarsla og aggrísivur en skynsamur sóknarleikur skilar okkur sigri. Ég held að ef við spilum alvöru bolta í dag og skilum því sem við eigum að skila þá tökum við þá.

Mín spá er 30-28 fyrir okkur.

Kveðja,
Elli.

P.s. nýjasta nýtt. Per Leegaard (örvhenta skyttan þeirra) verður ekki með vegna þess að hann er kominn með influensu. Mikill kostur fyrir okkur og vísa í "rétthentur hægramegin" spjallið því til stuðnings.

Hæ...

2007-01-25T16:23:00.000+01:00

Búinn að spjalla eiginlega eingöngu um HM undanfarið. Þetta er náttúrulega það sem helst ber á góma. Allir í spjalli um HM og hverjir séu nú bestir og hverjir séu sætastir (kvenþjóðin alltaf að spá í sætleika íþróttamanna...sem nota bene eru eiginlega alltaf hálf ógeðslegir svona í miðjum leik, smurðir svita og viðarkvoðu).

Erla er að fara heim á morgun í praksís og við (ég og kids) komum heim 9. feb. Verðum til 20. feb. Vil minna fólk á það að ég á stórafmæli (25) þann 19. feb og þá vil ég gjarnan fá stóra og harða pakka í afmælisgjöf í tugatali. Ekkert í heimilið eða eitthvað sem aðrir njóta góðs af. It´s just about me. Nei, svona í alvöru þá komum við heim í chill og þið megið endilega hallo-a mig og spyrja hvort ég nenni að hitta ykkur (sem ég nenni alveg pottþétt). Verð örugglega bara með danska símann.

Síðan eru það Pólverjarnir á eftir. Þeir eru með mjög gott lið. Tjernóbíl slysið Bielecki (what the fuck-hvað gerðist fyrir blessaðan manninn. 2ja metra Thom Yorke eftir asni langt fyllerí og extra gulrótarautt hár) er gífurleg skytta. Slummar á markið að 13 metrum eins og hann sé að taka víti. Eru síðan með mjög góðan miðjumann sem er í Magdeburg, rétt eins og Bielecki, sem heitir Tkaczyk. Góða hornamenn (sem eru bræður held ég alveg örugglega) og heilt yfir flott lið þar sem þorrinn af þeim spilar í Bundesligunni. Þeir eru ekkert sérstaklega sterkir varnarlega og með hálftæpa markmenn. Spila örugglega 6-0 á móti okkur (jafnvel 5-1). Frekar basic. Ef við erum aggrísívir á fótum varnarlega og erum duglegir að ganga (í skrokk á þeim) út í þá þá tökum við þá. Þurfum að stoppa Tkaczyk. Helst að taka hann svolítið fast. Fílar illa mótlæti. Svo hefur Alex tekið Bielecki í nefið í Bundesligunni. Lykill í dag er góð vörn og samvinna markmanns og varnar á skytturnar þeirra. Þurfa hirða þessar bombur utan af velli. Þetta verður spennandi.

Allavega, ég er farinn að hita upp (poppa bjór og öskra á börnin...nei nei, öskra bara á Erlu á hlýrabolnum mínum í staðinn).

Veriði margblessuð...
Elli.

Gerum okkar, gerum okkar, gerum okkar...

2007-01-24T22:04:00.000+01:00

Það tókst. Tókum Túnis. Two in a row. Þetta var mikilvægt. Spiluðum massa vörn í seinni hálfleik sem kláraði þetta. Aggressívir á fótum og endalaust að fá fríköst. Þetta var gaman. Gaman líka sjá Robba Gunn og Ásgeir koma inn í vörnina. Skiluðu sínu vel. Rolo góður. Að vísu alltaf jafn slappur gegn hornamanni. Skil það ekki alveg eins og hann er góður maður gegn manni í dauðafærum. En það er samt eitthvað voða harmony yfir þessu núna. Erum með menn sem geta komið inn af bekknum og það er lykilatriði þegar það er komið svona langt fram í mót. Bjartsýnn á þetta. En geri mér fyllilega grein fyrir því að það er ekkert komið í vasann enn.

Bis später
Elli.

Loksins...

2007-01-23T08:43:00.000+01:00

get ég bloggað aftur. Er búinn að vera í hörku bloggstuði en ég gerði þau mistök að gera e-a voða fína breytingu á blogginu sem mælt var með-þ.e. færa mig yfir í nýju týpuna. Það gerði ekki neitt nema koma í veg fyrir blogg af því ég skildi hvorki upp né niður í þessari nýju bloggtýpu. Að gera svona breytingu er reyndar ekki mjög einkennandi fyrir mig. Venjulega rígheld ég í gamlar hefðir og venjur þangað til mér er þröngvað til breytinga. Veit ekki hvað kom yfir mig. En allavega, það verða ekki fleiri breytingar á mínum háttum í bráð. Ég hef komist að náttúru breytinga og hún er ekki góð.

En að skemmtilegri málum;HM!!! Horfði á leikinn í gær eftir sniðugar ábendingar sniðugt fólks á síðunni hennar Hröbbu. Ég og Hrannar keyptum dagsáskrift á netinu og náðum leiknum. Þetta var geðveikt. Shit. Ég bara hoppaði út um allt af ákafa og gat ekki setið kyrr allan leikinn. Nú verðum við hér í Danaveldi bara að búa til e-ð HM stúdió til að horfa á leikina sem eftir eru. Ég er handviss um að við náum að komast í 8 liða úrslit. Þurfum allavega að vinna einn leik í milliriðlum. Tel að við getum vel unnið Pólverja og Túnis. Spurning með Deutchland. En Túnis á morgun.

Lifið heil.
Elli.

2007-01-16T08:30:00.000+01:00

Sorrý, long time no blog. Ekki búinn að nenna að skrifa neitt undanfarið. Var í prófum en loksins eru þau búinn. Allt of löng prófatörn. Prófin hérna í Danmörku er þannig að þau byrja í desember og eru síðan út janúar. Fáránlegt. Kannski 3 vikur milli prófa hjá manni. En það er allt saman fyrir aftan mig núna og ég kominn í frí. Kósý, mjög kósý.

Það er verið að skipta um glugga hjá okkur. Fyrst var tekin önnur hliðin í húsinu og seinna (núna) hin hliðin. Verkamennirnir eru voða yndislegir og nærgætnir en þetta er ástand sem er líklega eins og maður sé að byggja hús sjálfur. Býr í pörtum íbúðarinnar. Pínu þreytandi. En þetta tekur fljótt af. Og eftir standa nýjir og fínir gluggar, sem nota bene gjörbreyta íbúðinni. "Þetta er bara allt annað. Gvöð hvað þetta er sætt" segja allir sem koma hingað núna. Áður var það þannig að fólk ygldi sig þegar það kom inn en sagði "nei, hvað þið hafið náð að gera kósý". Alltaf bara kósý. Þegar ég flyt heim ætla ég ekki að hafa íbúðina mína bara kósý heldur ógeðslega töff líka.

Síðan er HM í handbolta að byrja á föstudaginn og handboltanördið ég er farinn að hlakka voða mikið til. Ég verð alltaf hálf asnalegur í kringum svona stórkeppnir handboltalandsliðsins. Verð alveg líkamlega stressaður þegar þeir spila (pínu svona óglatt og naga endalaust neglurnar). Vonandi að þeir standi sig. Reyndar hef ég fulla trúa á því. Við eigum frábært handboltalandslið. Líklega það besta fyrr og síðar. En það er stutt milli hláturs og gráturs. Erum kannski ekki með stóran hóp og erum með lykilleikmenn sem mega alls ekki við því að meiðast. Vonum bara hið besta og öskrum einkunnarorð Íslendinga hástöfum í von um að örlögin falli okkur í skaut; "Þetta reddast bara".

Elli.

Árið 2007 gengið í garð

2007-01-01T17:34:00.000+01:00

Enn eitt árið runnið sitt skeið. 2006 var gott ár. Stundum svolítið erfitt og eiginlega alltaf viðburðaríkt. En það sem einkenndi síðasta ár hvað mest voru lausir endar sem voru hnýttir og árangri náð. Já...löngu óvissutímabili eiginlega lokið. Því fylgja góðar tilfinningar. Þægilegheit og afslöppun. Stabíliteti komið á, það er svona kjarninn í árinu frá mér séð þegar ég rúlla yfir það í huganum.

Nú þegar nýtt ár er gengið í garð er ég auðvitað uppfullur að mismunandi heitum sem ég er búinn að lofa mér að standa við á nýju ári. Má náttúrulega ekki gefa þau upp en þau miða meira og minna öll að því að verða að betri manni. Elska þá sem ég elska og o.s.frv. Eitt sem ég ætla þó að gefa. Það er heitið sem ég gaf mér að hætta éta jafn óeðlilega mikið magn af sælgæti og ég hef gert...ja, líklega bara frá því að ég fór að stjórna því sjálfur hvað ég setti ofan í mig. Þetta reynist líklega erfitt. En með hjálp góðs fólks (aðallega Erlu) þá mun ég sigrast á þessum löstum. Stend uppi sem champ á endinum. Múhahahahaa, gott á ykkur gómsætu sykurstykki sem voru ekki étin.

Á eitt próf eftir sem ég fer í eftir viku. Það er stórt próf og mikill lestur. En þetta er bara vika og ég skal hundur heita ef ég get ekki sinnt þessu almennilega í þann tíma.

Gleðilegt nýtt ár og megi gæfa fylgja ykkur á árinu.
Elli.

Hæbb....

2006-12-09T10:45:00.000+01:00

Er kominn í jólaskap og alveg eins og í fyrra eru það Baggalútarmenn sem koma mér í jólaskapið. Það er afskaplega erfitt að komast í jólaskap hérna í Árósum. Það er 10 til 15 stiga hiti úti. Rigning og síðan styttir upp og þá kemur þessi fínasta "vorsól". Pínu öðruvísi. Vantar rok og snjó. Flýja inn úr gaddinum og detta í eitthvað jóló.

En þeir klikka ekki, Baggalútur... eru með yndisleg jólalög. Eitt er þó í uppáhaldi og er meira segja komið ofar á vinsældarlistanum en One little christmas tree með Stevie Wonder. Ég veit ekki hvaða ár það var gefið út en það heitir kósýheit par exelans. Endalaust af gullmolum í laginu og það grípur einhvern veginn jólinn, allavega mín jól.

"Góða veislu má ei skorta eftirrétt,
eitthvað sem er saðsamt en samt svo létt...
fáðu þér rúsínubrauð, nær algjörlega fitusnautt.

Allir þurfa jú að passa línurnar.
Viljum ekki enda eins og svín er það?
Fuck-it skítt með það, fáum okkur öll meiri rjóma".

Bið að heilsa.
Ætla að fá mér eitthvað saðsamt en samt voða létt.
Elli

bara látlaust blogg...

2006-12-07T12:09:00.000+01:00

bara svona rétt í hádeginu, aðeins að láta vita af mér.

Er alveg ótrúlega duglegur við lestur þessana dagana. Enda er kominn pínu spenna í kroppinn vegna prófa. En hún er bara drífandi. Ég er að vísu lasinn svo að það er fullur "hagkaupspoki" af snýtubréfi á gólfinu við hlið allra bókana. Mjög sjarmerandi mynd. Ahhhh, stúdentalífið...það er svo afslappandi og yndislegt.

Búinn að borða. Ætla að halda áfram að lesa.

Hafið það gott.
Elli

Eksamenstid...

2006-11-30T14:16:00.000+01:00

Nú er þetta byrjað. Prófin að nálgast og allt á fullt. Bæta þarf fyrir syndir hins liðna og lesa það sem ekki var lesið. Tekur tíma og er ekkert sérlega skemmtilegt. En...en, það þarf bara að taka á þessu. Eða eins og menn segja svo oft í handboltanum á einföldu "banka-máli"; maður þarf að leggja inn fyrir því sem maður ætlar að taka út. Hvort sem það er Íslandsmeistaratitill eða góð einkunn á prófi þá stenst þessi gullmoli alveg. Engin gríðarleg speki en slík speki oftast hvað merkilegust.

Samt bölvað kjaftæði sem margir af þessum "vísindasamfélagsmönnum" hafa látið út úr sér eða skrifað á blað í gegnum tíðina. Sér í lagi í samfélagsvísindum. Ég stend mig oft að því að velta fyrir mér hvað þeir hafi verið að hugsa þegar þeir voru að fullgera þessar pælingar sínar. Hvað hafi áhrifað þá og þar fram eftir götunum. Hvernig þeim gat verið alvara. Geri mér fyllilega grein fyrir sögulegum mun á samfélögum fyrri tíma og þess sem við lifum í dag. Himinn og haf á milli. Fyrir utan alla þekkinguna sem safnast hefur saman. En common... er get í gegnum heilann á þér, hálfvitinn þinn!!! Sorry, er orðinn pínu þreyttur á lestrinum. Ætla samt að setja pínu dæmi hérna mér til stuðnings og svo þið getið vorkennt mér svolítið (ja, eða hlegið með mér):

Auðvitað út frá psychodynamic kenningarsmiðum:
-Það er verið að spá í persónuleikaröskunum. Set bara upp fullyrðinguna. Þið megið svo hlægja:
"Frustrations at the oral biting stage yield aggressive oral tendencies such as sarcasm and verbal hostility in adulthood. These oral-sadistic characters are inclined to pessimistic distrust..."

Ég er afskaplega þakklátur fyrir að hafa ekki verið oft með sár í munninum þegar ég var ungabarn. Hefði bara getað orðið að oral-sadista!! Verið endalaust að segja ógeðslega hluti við annað fólk vegna óleystrar spennu frá því ég var með sár í munnvikinu þegar ég var 6 mánaða gamall.

Ætla að halda áfram.
Heyrumst, Elli.

Ísland...

2006-11-16T16:04:00.000+01:00

Ég er búinn að reyna skrilljón sinnum að setja inn stóra færslu með fullt af myndum en einhverra hluta vegna virkar það ekki. Dettur bara allt út þegar ég ætla að birta það eða vista. Þoli þetta ekki lengur. Þannig að ég ælta að setja inn stikkorða færslu um veru mína hér á Íslandi og hvað á daga mína hefur drifið.

Ég kom á föstudaginn. Allt of seint í steggjunina hans Agga út af ofsaveðri á Íslandi. Náði samt að plata hann. Áttum frábært kvöld þar sem sumir gubbuðu hrefnu en aðrir ekki. Búinn að vera í slökun í Stigó þar sem stjanað er við mig. Æðislegt. Virkileg orkuhleðsla. Fór að sjá nýfædda dóttur hans Snorra sem heitir Hulda Liv og er algjörlega snýtt út úr nösinni á pabba sínum (þó ekki í eiginlegri merkingu náttúrulega). Hef hangið á kaffihúsum, borað í nefið og hitt vini og vandamenn. Hef aðeins einu sinni farið í sund. Þori ekki aftur vegna kulda. Viss um að verða úti og deyja á heitapotts-bakkanum. Gert þetta venjulega í bland við að slökkva á heilanum. Finnst það fínt. Nóg verður hann notaður í desember og janúar.

Ég ætla að reyna aftur við þessa myndafærslu bráðum. Hlýtur að ganga upp. Eða eins og Pálmi söng svo fallega hérna um árið (var það ekki örugglega hann) "reyndu aaaaaaaAftur, ég...."

Elli.

Ferðalag...

2006-11-10T11:45:00.000+01:00

Núna, akkúrat núna sit ég í kaffiteríunni á Kastrup og bíð eftir að fá að vita hvenær ég og Kara fáum að fljúga heim. Með okkur er Bími, íslenskur samferðafélagi okkar, og við reynum að hafa það náðugt meðan við bíðum. Núna held ég að ég þurfi að éta sokkinn minn því ég hef oft verið fyrstur til að úthúða tækni og tækninýjungum. Iðulega hefur heyrst úr mínum herbúðum "Iss, þetta á aldrei eftir að ganga. Internetið? Hvað er það nú eiginlega? Hver heldurðu að nenni að hanga endalaust í tölvunni?" eða eitthvað í þá veruna. En þessar tækninýjungar eru sko aldeilis að standa fyrir sínu. Dóttir mín situr í rólegheitum og horfir á nýjan Bamba disk sem var keyptur á spott/taxfree prís rétt áðan. Situr og horfir á ferða-DVD spilarann sem við fengum lánaðan hjá Auju Skauju. Vær og sátt í biðinni. Bími hlustar á i-podinn sinn og slakar á og ég sörfa um undraheim internetsins og læt mína nánustu (og ykkur hin sem eruð að blogga-perrast) vita af mér og líðan minni. Hlusta á Tom Waits í tölvunni því ég er nýbúinn að hlaða niður öllum plötunum hans af internetinu (náttúrulega frítt. Breiðholtið fer aldrei úr manni sjáiði til...svo stutt alltaf í þjófinn í mér). Kannski kristallast þetta allt í einni setningu konu minnar sem á víst að hafa sagt einhvern veginn svona þegar hún var lítil á ferðalagi með mömmu sinni "ohhh mamma! Er ekkert útvarp? Þá verðum við að tala saman". Já tæknin. Hún er frábær. Get lokað mig af og múrað veggi í kringum mig alls staðar. Meira að segja á risa flugvelli í endalausri mannmergð. Kannski einmitt þá. Þetta er náttúrulega ekki neinum hollt en engu að síður einkar nýtilegt á stundum sem þessum. Það er hins vegar spurning hvenær manneskjan hættir að samskipta í máli, raddböndin deyja út og nettengdur örsími grær við vinstra heilahvelið í okkur (við það hægra hjá örvhentum náttúrulega. Þeir eru svo vangefnir eitthvað. Þurfa alltaf að vera æðislega sérstakir og öðruvísi).

Allavega. Kem vonandi heim í kvöld. Ef þið eruð að fara á djammið í miðbæ Reykjavíkur þá megið það alveg hringja í mig og segja "Hæ Elli. Ertu bara kominn heim? Æðislegt! Mér finnst þú nefnilega svo frábær, skemmtilegur, fyndinn, hress og bara sniðug týpa. Viltu ekki koma og hitta okkur hérna á blaa". Númerið mitt í kvöld er annað hvort 0045 31721925 eða 6982805.

Sjáumst í kvöld. Ég splæsi bjór (nei, bara að grínast Erla. Ég er geri það náttúrulega ekkert. Þetta fólk getur bara hugsað um sig og sitt bús sjálft).

Pabbi, er pizzadagur í dag?

2006-10-27T12:27:00.000+02:00

Börnin mín eru afar vanaföst. Einn vaninn, sem líklega er orðinn að hefð, er að borða heimabakaða pizzu á föstudögum. Annað hvort hérna heima eða hjá Lindu og Hrannari. Í morgun fór ég með Gunnar Tuma í leikskólann og hann spurði nokkrum sinnum á leiðinni hvaða dagur væri í dag (eins og hans er von og vísa... pínu obsessívur sjáiði til). Ég svaraði alltaf því sama, "föstudagur", enda ekki kominn nýr dagur eftir þessar örfáu sekúndur sem liðu milli spurninga. Eftir svolitla stund segir hann síðan; "nei pabbi. Í dag er pizzudagur".

Áðan skaust ég út í skóla til Köru til að fara með hrekkjavökubúning til hennar. Eftir pínu spjall spurði hún mig hvort það væri ekki örugglega pizza í dag? Ég svaraði játandi. Svo segir hún "pabbi, föstudagar ættu eiginlega að heita pizzudagar". Ég svaraði "jaaá, en það væri nú kannski ruglingslegt fyrir alla aðra sem ekki skildu hvaða dagar það væru". "Já, en pabbi þá segjum við þeim það bara".

Ég er hrifinn af hefðum og venjum. Ég held að Kara hafi rétt fyrir sér. Mér finnst að föstudagar eigi að heita pizzudagar. Nú, og ef einhver skilur ekki hvað átt er við með því "þá segjum við honum það bara". Allt er þó gott í hófi. Meika ekki alveg Bæjaralands-pakkann þar sem hefðir eru svo margar og ríkar að mestur hluti hvers einasta dags er planaður í kringum komandi eða núverandi hefðir. Þegar við bjuggum í Þýskalandi fékk ég ósjaldan að heyra frasann "já, við erum nú vön að gera þetta svona" eða "hefðin er nú að gera þetta svona". Meira að segja í handboltaleikjum héldu þeir fast í hefðirnar sínar (sem voru ekki góðar innan þessa handboltaliðs vegna þess að þeir voru afskaplega slakir í handbolta). "já, við erum vanir að spila þetta svona og þess vegna höldum við því áfram". Yndisleg rök og vanafesta. Sérstaklega hagnýtt þegar þú tapar flest öllum leikjum á "hefðinni þinni".

Fyrir utan þennan pínu útúrdúr til suður Þýskalands þá hvet ég alla til að koma sér upp einhverjum skemmtilegum venjum sem seinna verða að hefðum. Ég vil gjarnan vera með ef einhver lumar á einhverri sniðugri hugmynd sem hægt væri að gera að vana. Til dæmis, alltaf annan hvern þriðjudag eru bíódagar. Eða, á einn fimmtudag í mánuði eru "úti að borða" kvöld.

Lifi...

2006-10-23T09:26:00.000+02:00

ég er á lífi...bara ekkert rosalega duglegur í þessu bloggi. Er alveg að detta í gírinn. Var að vísu búinn að lofa sjálfum mér því að gera þetta ekki nema þegar ég nenni. Gera þetta ekki að kvöð. Held ég standi við það.

Heyri í ykkur...fyrr en seinna.

Elli

Samúel...

2006-10-11T21:23:00.000+02:00

Hvar værum við Íslendingar staddir ef við ættum ekki Samúel Örn Erlingsson til að lýsa fyrir okkur íþróttaleikjum? Hann er yndislegur þessi maður. Ég er að hlusta á lýsinguna Ísland-Svíþjóð og Hr. Samúel er á mæknum. Hér kemur ein setningin frá kappanum; "það væri nú laglegt ef fuglar ætluðu að fljúga með hendur meðfram síðum". Ég bið ykkur um að hafa í huga að maðurinn er að lýsa fótboltaleik. Hvað með hendur fuglana? Þekkið þið til margra fuglategunda með hendur. Flestar sem ég þekki til hafa vængi. Hvað kemur handaflug fugla fótboltaleik við? En hann er samt æðislegur. Algjör þjóðargersemi. Áfram Sammi!!! (eina sem ég get sagt...fótboltalandsliðið okkar er svo afspyrnu slakt).

I don´t care if monday´s....

2006-10-09T09:11:00.000+02:00

neibb, ég er ekkert blár á þessum öndvegis mánudegi skal ég segja ykkur. Dansandi glaður að læra á mánudegi. Finnst eins og ég tilheyri fáránlegum forréttindahópi að fá að hafa börnin mín á leikskóla og í skóla. Get eitt heilum degi í að læra og fara í ræktina og ég veit ekki hvað og hvað. Verkfallið hérna er búið og rútínan byrjuð. GT var ekkert smá ánægður í morgun að fara á leikskólann. Valhoppaði alla leiðina, knúsaði mig svo bless og tók sprettinn inn á deild. Pedagógarnir voru allir svo meyrir og glaðir að hitta börnin aftur að þær slógust held ég bara við tárin. Það er búið að vera minna rugl í kringum Köru af því það var alltaf skóli hjá henni. En fritidshjemmet opnaði aftur í dag. Mín var þvílíkt sátt við það. Eins og henni er einni lagið þá laumaði hún e-u í vasann hjá sér áður en hún labbaði út (hún er sneeky þessi rófa) og ætlar greinilega eitthvað að bralla með vinkonum sínum á fritidshjem eftir skóla. Ég gerði bara eins og góðu foreldri sæmir...horfði í hina áttina. Enda bara ánægður ef hún á vini til að bralla eitthvað með.

Annars var ég næstum því búinn að skemma hið mikla og nýtilkomna félagslíf dóttur minnar í gær. Um morguninn hringdi mamma einnar vinkonu Köru og spurði hvort hún mætti leika við Köru um eftirmiðdaginn og að Kara myndi fara til þeirra. Mér fannst það fínt (við Erla vorum pínu framlág eftir laugardagskvöldið...kem að því seinna) og við gerðum "aftale". Seinna um daginn þá hjóla ég með Köru til þessarar vinkonu sinnar sem heitir Kirstine. Hún og foreldrar hennar verða pínu hissa þegar við mætum en þær eru voða góðar vinkonur þannig að þær léku bara saman. Þegar ég er að hjóla heim fannst mér þau eitthvað svo skrítin að ég fór að spá hvort þetta hafði verið rétta stelpan! Kem heim og spöglera eitthvað í þessu með Erlu. Erla hringir í fólkið þar sem Kara er að leika og þá kemur á daginn að þau höfðu ekkert hringt. Erla greyið lenti í hálf aumingjalegu símtali að afsaka þetta og foreldrar stelpunnar fóru þá í flækju af því þá er eins og maður verði alltaf að hringja á undan sér (svona rembihnútur...allir í flækju og allir að afsaka sig). Shit! Núna var einhver stelpa að bíða eftir Köru og ég mundi ekkert hver það var!!! Foreldrarnir örugglega brjálaðir út af dissinu!! Erla fór í það að hringja í allar vinkonur Köru í bekknum og foreldrarnir héldu náttúrulega að hel. útlendingarnir (aka. VIÐ) væru orðnir eitthvað geðveikir. Eftir nokkur mjög vandræðaleg símtöl fundum við út hver þetta var og Erla hringdi eins og aumingi að afsaka það að ég hefði verið hálf sofandi og ruglast og allt í flækju (Erla er bæði betri í félagslegum samskiptum og hversdaglegri dönsku en ég þannig að hún lenti í því að þurfa að hringja). Fuck! Ég get sagt ykkur það að fyrir var ég hálf óöruggur gagnvart "félagslífinu" hennar Köru og öllum samskiptunum við hina foreldrana en núna...ég á ekki breik núna. En þetta blessaðist allt á endanum. Foreldrarnir sem við "svikum" voru alveg góðir á því og fannst þetta held ég bara pínu fyndið. Að ég væri svona vitlaus!! En blessuð stelpan kemur bara um næstu helgi í staðinn.

Á laugardagskvöldið kíktum við og Linda út ásamt fleiru góðu fólki. Það var voða fínt og ekki frásögunar færandi nema fyrir þær sakir að við fórum á karíóki-bar þar sem við slógum í gegn. Linda tók Girls just wanna have fun, Erla tók faith og ég og Jón tókum Queen slagarann I got to break free. Það var víst mikið talað um það af áhorfendum að annað eins par (ég og Jón) hefði aldrei sést taka þennan "semi-gay" slagara. Það var ekki feiltónn sunginn skal ég segja ykkur. Og þið sem þekkið til Hr. Mercury þá vitiði að hann kunni þetta alveg. Þetta var ekki síðra. Ótrúlegt sögðu allir. Ótrúlegt. Aftur. Meira. Við fengum vart næði til að anda eftir frammistöðuna. Erla þurfti að berja í burtu æsta, danska kvenkyns aðdáendur Queen sem voru greinilega búin að finna sér ný (og í þetta skiptið vel tennt) átrúnaðargoð. Það er alveg áreiðanlegt að heimsóknir á þennan stað verða tíðari í framtíðinni. Allavega ríf ég í mækinn þegar ég á leið framhjá.

Ætla að fara lesa...
Eigið góðan dag.

2006-09-28T14:03:00.000+02:00

jæja...það er ekkert nýtt að frétta í þessu endemis verkfallsrugli. Allir leikskólar lokaðir og núna eru skólarnir lokaðir líka. Þannig að lítið er um lærdóm. Verð að viðurkenna að þetta er orðið hel. þreytt. En stálið bognar í annan endann innan skamms. Það hlýtur að vera. Tippa á að þetta klárist um miðbik næstu viku. En á meðan þá skiptum við vikunni með okkur (Við og Linda og Hrannar) svo að við náum eitthvað að læra. Núna er Ási vinur hans GT í heimsókn. Þeir leika sér eins og englar. Fengu að prófa bílabrautina sem ég fékk í jólagjöf frá Agga bró. Þá var gaman skal ég segja ykkur. Voru alveg cracy. Henni var síðan breytt í stökkpall þar sem bílarnir voru látnir fljúga. Þeim fannst það eiginlega skemmtilegra. Þá þurfti enga lægni-bara gefið í botn og flogið af stað. Ráku upp öskur af hlátri í hvert einasta sinn sem bílarnir klesstu á.

Annars eru mínir menn í West Ham að fara að spila á Sikiley í kvöld. Byrjuðu utanlandsferðina ágætlega (og eins og Englendingum vill oft sæma í útlöndum) þegar 50 áhangendur voru handteknir fyrir slagsmál og almenn ólæti. Já, hann kann sig breski almúginn. Það er ekki hægt að segja annað. Kurteisir fram úr hófi...sér í lagi með víni.

Er eitthvað hálf tómur. Nenni ekki meir. Þetta verkfall er að drepa í mér heilasellurnar.

Bæjó.

Hæ

2006-09-21T08:49:00.000+02:00

Það er ennþá verkfall hérna hjá okkur og Gunnar Tumi er nú ekkert sérstaklega ánægður með það. Fer að gráta á morgnana þegar honum er sagt að leikskólinn sé ennþá lokaður. Hálf sorglegt. En þetta er í góðu gert og verkfallið til þess að það verði ekki þrengt að honum og öðrum börnum. Eða eins og pabbi sagði einu sinni við mig "börn eiga ekkert að skorta" og það er alveg hárrétt. En meðan á því stendur er það pínu súrt. Svolítið eins og að fara til tannlæknis. Vont meðan á því stendur en gerir manni ekkert nema gott (að vísu verð ég alltaf hálf blankur eftir tannlæknaferðir). En tilgangurinn helgar meðalið. Það er einhver voða bæjarfundur hérna í kvöld þar sem tekist verður á um þetta. Vona að það verði allt vitlaust og þeir sem settu fram þetta frumvarp sjái ljósið (og taki þ.a.l. hausinn út úr rassxxxxxxx á sér).

Að vísu bitnar þetta líka á Köru í fyrsta skipti í dag. Fritidshjemmet er blokeret. Sem þýðir að foreldrar standa fyrir utan og "meina" fólki aðgöngu. Þetta er gert svo að pædagógarnir haldi launum sínum þar sem þeir hafa ekki verkfallsrétt. Þá á að beina bæði börnum og pædagógum annað en það er nú sjaldnast gert. Svolítið fyndið í morgun þegar ég var að fara með Köru í skólann. Þá stóðu foreldrar fyrir utan skólann og voru að blokkera alveg brjálaðir. En þeir meikuðu það ekki alveg (þið vitið, að vera svona mikil hörkutól) þannig að þeir buðu upp á kaffi og með því líka. Yndislegir, þessir ljúflingar. Rosa reiðir en passa sig samt að vera kurteisir og ljúfir. Dettur alltaf í hug "og brosa..." setningin í Stellu þegar ég hugsa um Danina. Reyndar skil ég varla hvernig land eins og Danmörk getur alið af sér glæpamenn. En það er önnur pæling. Svartir sauðir hér sem annars staðar.

Svo vorum við Erla að kaupa tölvu. Einhvert súperman-tól. "Dell... að sjálfsögðu" eins og Hrannar myndi segja. Hann kom og hjálpaði mér. Sagði síðan í lok kaupa að þetta væri góð tölva. Hann væri öfundsjúkur. Þá varð ég öruggur um að þetta væru góð kaup. Þegar tölvunördið (hann er nota bene um 90% nörd samkvæmt tilteknu nördaprófi sem við tókum) er sáttur við tölvuna er hún meira en nægilega góð fyrir mig og Erlu. Ég hefði nú svo sem ekkert þurft að spá í þessu þegar Hrannar er annars vegar. Ég treysti honum algjörlega í öllu sem viðkemur "tækni". Þar stendur hann hreinlega framar flestum, ja...enda um 90% nörd. Annars er Dell fáránlega ódýrt í Danmörku. Veit ekki af hverju þessi munur stafar. Skoðaði samskonar tölvu á Ejs heimasíðunni (umboð fyrir Dell á Íslandi) og þar hún kostaði tæplega 40% meira. Verðmunur milli Danmörku og Íslands er ekki mikill (fyrir utan náttúrulega bíla og matvöru). Þannig að þetta meikar ekki alveg sense. En ég er sáttur.

Ég ælta að fara að sinna umkomulausum syni mínum.

Verkfall...

2006-09-19T13:18:00.000+02:00

Jebb...það er verkfall hérna í Árósum. Í vetur voru það strætóbílstjórarnir en núna er það pedagógarnir. Í vetur var ég pirraður yfir þessum duttlungum í strætógaurunum en núna styð ég baráttu pedagógana heilshugar. Þetta er náttúrulega alveg fáránlegt allt saman. Staðan er semsagt þessi; Aarhus kommune ætlar að skera niður fjárveitingar til m.a. dagvistastofnana (barnaheimili, vögggustofur og fritidshjem) um 410 milj. danskra króna-aldraðir og sjúkir eru hinir hóparnir sem niðurskurðurinn lendir á...yndislegt hugmyndafræði að baki þessum niðurskurði. Þetta nemur í heild um 5 miljörðum íslenskra króna í niðurskurð. Útkoman úr þessum niðurskurði yrði sá að fjórði hver pedógóg myndi missa vinnu sína auk þess sem öll "umsvif" þessara stofnana yrðu minni (færri ferðir í skóginn, leikhús, bæinn. Færri uppákomur og þar fram eftir götunum). Fleiri börn per umönnunaraðila og minna gert með börnum er í kjarnann það sem verður.

En í sama mund og kommúnan ætlar að skera niður á þennan hátt ætlar hún að endurbæta járnbrautateinana og járnbrautakerfið fyrir u.þ.b. sömu fjárhæð. Það er í raun það sem vekur reiði. Bæði mína og annarra. Járnhlúnkar vs. börn og börnin tapa í ólsen-ólsen við járnbrautateinana. Fáránlegt svo ekki sé meira sagt. Það var meira að segja þannig að kommúnni bauðst mismunandi "dýrir pakkar" í sambandi við þessar endurbætur á járnbrautakerfinu og valin var langdýrasta leiðin af því hún var svo fljótleg. Ótrúlegar áherslur.

Þannig að leikskólinn hans Gunnars Tuma var lokaður í dag og við feðgarnir vorum heima. En við létum það svo sem ekkert draga okkur niður.

Við fórum bara og keyptum "stóra stráka hjól"-eða hjól með hjálparadekkjum. Það var löngu kominn tími á svoleiðis og minn er afskaplega sáttur með lífið og tilveruna. Straujar áfram á "stóra stráka hjólinu".

Þegar við vorum búnir að fara út í búð og kaupa hjólið þá þurfti að setja það saman. Pabbi "byggir" tók fram verkfæratöskuna og þrumaði þessu saman. Hafði engu gleymt frá því í Breiðholtinu í denn þegar hjól voru án nokkurar ástæðu skrúfuð sundur og síðan aftur saman.

Þegar hjólið var samansett var ekkert annað að gera en að bruna af stað. GT var alveg með þetta. Hjólaði galvaskur áfram. Var öðru hvoru að tékka hvort ég væri ekki örugglega að horfa og kíkti þá stoltur á mig. "Sjáðu pabbi, ég kann alveg". En alltaf þegar hann snéri hausnum við datt hann næstum!!

Síðan kíktum við um helgina upp í sveit í afmæli til Ása, vinar hans Gunnar Tuma. Afmælið var haldið í rosa flottu húsi við strönd og auðvitað röltum við í göngutúr niður á strönd. Eyjaskeggjarnir höfðu ekki fundið almennilega fyrir sjónum í langa hríð og því fínt að "prófa" hann aðeins. Það var enginn kyrrahafs fílingur yfir þessu. Hálf kaldur... en þetta var ótrúlega gaman.

Köru fannst að vísu eiginlega skemmtilegast að týna skeljar. Var að finna "bestu" skeljarnar með Viktoríu vinkonu sinni.

hæ again...

2006-09-13T14:29:00.000+02:00

The cracy ass blogger er kominn aftur. Alveg trylltur. Alltaf að blogga.

Þetta er ég á leiðinni í skólann. Verð að viðurkenna að ég væri stundum alveg til í að þurfa EKKI að taka strætó í skólann. En það er bara partur af prógramminu, ekki satt?

Mér finnst ég svolítið listrænn á myndavélinni (aka. tryllitólinu)... svona pínu úr fókus. Á að vera þannig-þetta er náttúrulega ekkert 2005eitthvað.

Við familían á leiðinni í tivoli. Friheden...uhhhmmm. Klikkar ekki skal ég segja ykkur.

Muniði hvað það var ótrúlega gaman í klessubílunum í denn? Ég var samt alltaf í því að reyna láta engan klessa á mig. Gunnar Tumi var líka kominn í þann pakka. Kara var mest að spá í hvað hinir voru að gera. Og að reyna að klessa á Gunnar Tuma af því þá varð hann svo pirraður.

Annars er bara all good hérna í Árósum. Sit hérna í 20 stiga hita og glampandi sól og er að læra. Hvernig er annars veðrið í Stigahlíðinni? Það er svo sem alltaf sól þar. Er í massa skemmtilegum fögum núna fyrir jól. Tveimur klínískum fögum og udviklings sálfræði. Eiginlega í fyrsta skipti sem ég er í alvöru touch-i við sálfræði sem "vinnufag". Þið vitið, hvað ég er actually að fara að vinna við. Mér finnst það rosa skemmtilegt. Væri samt alveg til að vera aðeins meira inn í hlutunum hérna. Svona "detta í bjór" stemmingunni með skólafélögunum. Ég er ekki að tengja við þau að neinu ráði. Ég er kannski ekki heldur sá vingjanlegasti... enda eini maðurinn í allri stofnunni með skegg. Ekki frýnilegur. Það eru jú bara 20% af heildinni sem GETA mögulega fengið skegg.

Kveð ykkur í bili,
Elli.

jæja...

2006-09-11T20:22:00.000+02:00

Nokkuð síðan síðast. En ég er dottinn í gírinn og lofa tíðari færslum fyrir alla þá sem hafa áhuga í mínum lífsins gangi. Og af því ég á svo ótrúlega flottann síma/myndavél/tryllitól þá ætla ég líka vera duglegri að fleygja myndum inn. Já, það dugar sko ekkert minna en þriðja kynslóð farsíma fyrir mig. Sem ég get beinttengt við ískápinn og alles. Allavega.

Ég fór um helgina til Kaupmannahafnar og tók þátt í Klakamótinu. Fyrir þá sem ekki vita hvað það er, þá er Klakamótið fótboltamót fyrir Íslendinga búsetta í Danmörku. Í þessu fótboltamóti er þó mest áhersla á bjórdrykkju og minnst á fótbolta. Líklega eðlilega.

Það var ótrúlega gaman. Ég fór með Heklu (fótboltaliðið í Árósum) og við unnum mótið sannfærandi. Ótrúlega nice náungar í Heklu-liðinu. Allavega, ég fór í sweeberinn í öðrum leik og eftir það fengum við Heklumenn ekki á okkur margt. Já, maður er kannski ekki með mestu næmnina í tásunum eða sprettharðastur. En tæklingar og læti eru mér einhverra hluta vegna í blóð borin.

Það var svo illa haldið utan um þetta mót að það var engu lagi líkt. Án þess að fara út í smáatriði þá var öll skipulagning léleg. En það er eitt atriði sem ég ætla að fara út í. Á laugardagskvöldið var einhver svona skemmtun sem var haldin niður í bæ á einhverjum fótboltabar. Liðin sváfu öll í einhverju úthverfi og fóru því um kvöldið niður í bæ. Við fórum sem sagt allir niður í bæ á þessa skemmtun. Við vorum allir búnir að spila 4 leiki yfir daginn þannig að margir voru ansi þreyttir eftir daginn. Ok, komum á barinn og horfðum á einhvern fótboltaleik, fengum síðan hamborgara að borða og síðan áttu allir að fara á djammið. Nokkrir voru þreyttir og beiluðu heim fyrr en hinir. Ég var þar á meðal. Við tókum taxa "heim" en þegar við komum þá var allt læst . Hringdum í gæjana sem skipulögðu mótið og þeir basically sögðu að þeir gætu ekkert gert fyrir okkur af því það var ekki ætlast til að menn færu svona snemma heim. Við yrðum bara að bíða. Við værum jú í Köben og þegar menn eru í Köben þá ættu menn nú að djamma. Eins og Köben sé eitthvað fuckin´ himnaríki á jörð. Djöfulsins fávitar maður. Þannig að við héngum úti fyrir utan húsið okkar þangað til Breiðholts-Elli varð brjálaður og hraunaði yfir einhvern skipuleggjandann sem sagði mér síðan að það væri lykill að húsinu í næsta húsi. Ég trylltist og sagði honum ljóta hluti.

dagurinn í dag...

2006-08-26T20:55:00.000+02:00

Það er búið að vera fáránlega heitt hérna í dag. 30+. Eiginlega of heitt fyrir mig. Ég er satt best að segja búinn að vera hálf sveittur allan daginn. Spurning hvort maður verði beðinn um að skipta vinsamlegast um bol og setja poka í skóna svo það sulli ekki svona úr þeim-eins og gæinn þarna um árið:) (það er alltaf jafn góð saga).

Auður Erla gisti hjá okkur eftir föstudagspizzuna í gær. Grislós og hún tóku upp á því að vakna voða hress upp úr 6 í morgun. Engin leið að fá þau til að kúra eitthvað frameftir. Alltof aktív þessar rófur. Allavega. Ekkert annað að gera en að plokka stírurnar og hella upp á. Allt sett af stað nágrönnunum til mikillar óánægju. Auður var komin með skopparabolta sem hún dúndraði endurtekið í parketið um hálf sjöleytið. Fannst það ekkert smá gaman. Ég hefði á þeim tímapunkti verið til í að vera í heimsókn í kollinum á nágranna mínum sem þarf að láta sig hafa þessi ósköp. Hún skildi síðan ekkert í því þegar ég bað hana um að hætta-hitt fólkið væri að lúlla. Leit bara í kringum sig á sá mig, Köru og Gunnar Tuma vakandi. Og sagði síðan "enginn lúlla" og náði ekki alveg þessum leiðindum í mér.

Ég fór líka að keppa í fótbolta með Heklu. Hjólaði eitthvað lengst í rassgat til að komast að vellinum. Villtist og allt. Það var svo sem allt í lagi-fínt að hjóla í góðu veðri með góða tónlist í eyrunum (hlustaði á "nýju" Ampop plötuna sem er by the way rosa fín). En "Butcher" hefur framið sjálfsmorð og við andlát hans fæddist hinn "fullkomni" framliggjandi miðjumaður. Já, hver hefði trúað því fyrir nokkrum árum að ég væri að spila framarlega á vellinum. Væri í djúpinu milli miðju og sóknar. Satt best að segja nenni ég varla aftur fyrir miðju. Kannski bara búinn að uppfylla "varnar" kvótann fyrir lífstíð. Allavega. Þetta er rosa gaman. Gaman að spila 11 manna bolta aftur. Ég er samt ansi ryðgaður. Með lélegt touch og lengi að drulla þessu frá mér. En það er samt ennþá þannig að það heyrist ekki jafn mikið í öðrum leikmönnum og mér, og það eru heldur ekki margir sem ná að komast fram hjá mér. Ja, ef þeir gera það þá eru þeir bara sparkaðir niður-þannig að í rauninni kemst enginn framhjá mér. Það er svo fyndið að þó þetta eigi að vera svona "léttur bolti sem snýst bara um að hafa gaman" þá verða allir snar vitlausir um leið og flautað er til leiks. Skemmtilegt. Alveg fyrir mig. Hlaupa á eftir bolta og öskra. Hvað endurspeglar mig betur?

Pínu spöglerasjón...

2006-08-18T09:15:00.000+02:00

Ég var að lesa Urban yfir morgunkaffinu. Urban er eitt af fríu staðarblöðunum hérna í Árósum. Ég var að lesa um "átökin við botn Miðjarðarhafs" og að illræmdur bandarískur barnamorðingi hefði fundist í Tælandi eftir að 10 voru liðin frá morðinu. Framdi hrottalegt morð á bandarískri stúlku. Ok, þessir fréttir sem slíkar eru kannski ekki aðalatriðin hérna. En þær vöktu mig til umhugsunar. Málið er hvernig við, ég og allir hinir, erum búin að "detach-a" okkur frá öllum hörmungum heimsins. Ég ætla ekkert að fara út í einhverjar "maðurinn er svo ógeðslegur"-pælingar. Ég næ því bara ekki hvernig við náum að losa okkur í burtu frá öllu ógeðinu sem á sér stað. Hvernig við getum lesið og horft á fréttir án þess að vökna um augun. Eða bara hreinlega hágrátið, með ekka og öllu tilheyrandi. Líklega er kjarnaástæðan sú að ef við myndum ekki aftengja okkur á einn eða annan hátt yrðum við klikkuð. Yfirbuguð af sorg á hverjum einasta degi.

Við fáum fréttaflutning frá t.d. "botni miðjarðarhafs" eða af "skuldum þriðja heimsins". Takið eftir orðalaginu sem er notað. Það er verið að segja okkur að fólkið sem á bágt og lifir við hörmungar búi í öðrum heimi en við. Fjarlægðarmyndunin er fáránlega mikil. Hún er ekki í kílómetrum talin eða sjómílum. Hún er talin í heimum. Augljóslega verður auðveldara að "losa sig" við óþægindatilfinninguna þegar fólkið sem um ræðir er ekki einu sinni fólk eins og "við hin" (það er náttúrulega óþægilegt að upplifa sorgina í gegnum fólkið og þess vegna viljum við helst ekki upplifa hana, fyrir vikið verður auðveldara að losa sig).

Síðan er annað sem ég hef tekið eftir í sambandi við það hvernig við upplifum samúð gagnvart bágstöddum annars staðar í heiminum. Það er þegar komið er á e-i tilfinningatengingu milli hörmungana, fólksins og okkar sem sitjum heima í stofu undir teppi með kaffi og súkkulaði. Þegar tilfinningatengingu er komið á þá rúllar samúðin af stað og heltekur okkur. Hafið þið tekið eftir því að þegar tónlist er t.d. spiluð með myndbrotum af "bágstöddum í þriðja heiminum" eða á mannamáli þeim sem eiga um sárt að binda annars staðar en á Íslandi eða Danmörku þá verðum við hrærð og eigum erfitt. Finnst ömurlegt hvernig komið er fyrir fólkinu sem við horfum upp á undir músík U2 eða "hjálpum þeim". Af hverju þarf músík eða annað dramatíserandi "vopn" til að láta okkur finna fyrir samúð? Mér finnst það skrítið. En þegar við finnum tenginguna við fólkið þá verðum við voða lítil, grátum flest við það að horfa upp á ömurðina. En þessi tilfinningatenging er líka notað gegn okkur. T.d. í tryggingaauglýngum þar sem hádramatísk tónlist er spiluð yfir mannlegum breyskleika. Hafið þið ekki grátið við á horfa á Sjóvá almennar auglýsingu. Það hef ég gert. En ég er alveg kaldur þegar ég sé fréttir þess efnis að hundruðir hafi látist þegar langdrægum bombum var varpað á íbúðarbyggð og árásin heppnaðist af því að tveir skæruliðar féllu í árásinni. Hugsa með sjálfum mér reiður að það sé ekki alveg í lagi þegar svonalagað er í orden-en ég fer ekki að gráta, ég upplifi ekki sorgina með öllu þessu látna fólki og aðstandendum þess. Bara reiði yfir ruglinu og vanvirðingunni fyrir mannkyninu.

Ok, auðvitað eru mýmargar ástæður fyrir þessari aftengingu okkar. Ekki bara þessar tvær eða öllu heldur ein sem ég nefndi. En það er samt sem áður nokkuð magnað hvað við erum dugleg að brynja okkur fyrir erfiðleikum og óþægilegum tilfinningum. Við berjumst gegn því þangað til við getum ekki barist lengur við það. Eða þar til "Where the streets have no name" byrjar með U2 og við sjáum barn deyja úr sulti í orðsins fyllstu merkingu. Þá grátum við yfir eymdinni. Þá langar okkur að hjálpa. En við erum ekki nálægt því að vökna um augum þegar við sjáum staðreyndir þess efnis að 34.000 börn deyja daglega úr fátækt. Auðvitað er erfitt að horfa upp á barn deyja en það hlýtur að vera 34.000 sinnum erfiðara að horfa upp 34.000 börn deyja. Ekki satt? Bara einföld lógík. Nei, þannig virðist þetta ekki fúnkera. Ömurðin sem slík virðist ekki vekja upp tilfinningar (því ef hún gerði það værum við með ekkasog þegar við læsum svona átakanlegar staðreyndir) heldur bara lagið sjálft. En fyrst að svo er gætum við þá ekki bara allt eins kveikt á geislaspilaranum og upplifað sömu tilfinningar?

Þessi pæling er ekkert hraun. Hvorki á sjálfan mig né neinn annan. Hún er bara pæling. Við gætum kannski breytt henni í fullyrðingu (sem augljóslega væri auðvelt að velta). Fullyrðingu sem heldur því fram að Vestrænt fólk upplifi ekki samúð með hörmungum annars fólks statt fjarri þeim án þess að komið sé á tilfinninga tengingu, s.s. tónlist. Og þá er tónlistin í raun ástæðan fyrir samúðar tilfinningunum.

Elli.

kominn heim aftur...

2006-08-16T13:07:00.000+02:00

jæja... við erum komin heim. Ég og börnin. Erla varð að vinna eitthvað áfram. Kemur 1. sept. Ferðin gekk sómasamlega. Að ferðast með Köru er skal ég segja ykkur betra en að ferðast með mörgum fullorðnum. Hún kann þetta allt saman-út í gegn. Pollróleg, rosa meðvituð um að gera allt rétt- fara í rétta lest og svona. Allavega, þetta gekk fínt fyrir utan pínu rugl þegar við fórum í rangan vagn í lestinni og þurftum að hlaupa út á næstu stoppustöð. Svolítið stress. Krakkarnir hlupu nú eiginlega ekki, ég fleygði þeim og töskunum á milli vagna því ég var svo stressaður að hurðin myndi lokast á mig og krakkarnir eða töskurnar komnar inn. Það var nefnilega búið að segja mér sögu af íslenskri konu sem var búin að koma barninu sínu inn í lest þegar hurðin lokast og hún fyrir utan með töskurnar. Ég ætlaði sem sé ekki að láta það gerast og því var öllu klabbinu bara dröslað á milli í flýti. Engin virðing borin fyrir hlutlegum eða mannlegum verðmætum. Öllu grýtt inn í lest og af stað. En þetta reddaðist og með smá huggi og faðmlagi fyrirgaf GT mér þessi læti-enda fékk hann og Kara að launum smartís þannig að það var svo sem aldrei spurning hvort fyrirgefningin kæmi.

Núna er krakkarnir að byrja annars vegar í skólanum og hins vegar í leikskólanum. Það var fyrsti skóladagur hjá Köru í gær. Ég var búinn vera svolítið lítill yfir þessu öllu og fannst þetta erfitt. Var hræddur um að hún myndi ekkert fíla þetta og fannst erfitt að vera útlendingur og vera ekki með allt á tæru. Þetta tilfinningaflóð var óþarfi! Hún fékk æðislegar móttökur (sem og náttúrulega öll hin börnin), allt var skipulagt í þaula og öllum spurningum (áður en þær voru spurðar) var svarað. Hún smókaði síðan sjálfa kennslustundina. Ég var pínu smeykur um að hún væri eitthvað ryðguð í dönskunni. En það var líka óþarfi! Kennarinn spurði hana eftir tímann hvort hún hefði skilið allt og þá svaraði sú stutta; "já, auðvitað. Ég er náttúrulega búin að eiga heima í Danmörku í ár!". Hún var rosa aktív, spurði mikið (eftir að hafa rétt upp hendi eins og hennar er von og vísa) og svaraði síðan líklega sjálf öllum spurningunum sínum ef ég þekki hana rétt. Hún hefur allavega vitað svarið áður en það kom. Í dag var svo hennar fyrsti fulli skóladagur þar sem farið var í fritidshjem eftir skóla. Hún valsaði um skólann í morgun, fimm mínútur í átta, rosa örugg og leiðbeindi mér og Gunnari Tuma í gegnum skólann. Fann stofuna sína, settist í stólinn sinn og knúsaði okkur bless. Allt á tæru-mín mætt í skólann.

Gunnar Tumi fór í sinn fyrsta leikskóladag í dag (ekki vuggestuen). Hann er á gömlu deildinni hennar Köru. Honum var rosa vel tekið og haldin var lítil veisla fyrir hann. Hann var boðinn velkominn af öllum krökkunum á deildinni og svo var borðað popp og drukkinn djús. Alvöru partý. Hann var þvílíkt sáttur. Fékk að gefa fiskunum (það er fiskabúr á deildinni hans). Ég var pínu stressaður yfir því að minn maður yrði ekki alveg par sáttur við þetta og hringdi eftir 2 tíma til að tékka á gutta. Fóstran hans róaði mig og sagði að þetta gengi eins í sögu. Að hann skildi allt sem sagt væri við hann og hann væri úti að leika með vinum sínum af vuggestuen sem líka væru komnir yfir á "stóra" leikskólann. Hann var bara hálfan daginn í dag. Ég sótti hann um 12. Hann neitaði í fyrstu að fara heim. Fannst of gaman til að yfirgefa stuðið. En greyið var samt alveg búinn. Lagðist bara í gangstéttina þegar við vorum hálfnaðir heim. Gat ekki meira. Hann er núna sofandi. Það er erfitt að vera 3ja ára og byrja í nýjum leikskóla.

Þau eru búin að vera ótrúleg. Standa sig ótrúlega vel. Ég er ekki viss um að ég myndi standa mig með sama hætti ef mér væri fleygt inn í algjörlega nýtt umhverfi einntveirogbingó. Eða eins og einn merkur maður sagði eitt sinn;"þau brjóta í manni hjartað þessir skrattar". Og það er alveg satt (fyrir utan skratta-partinn). Þau fylla mann svo miklu stolti að maður veit ekki alveg hvernig maður á að vera.

Með kveðju,
Elli.

stigaleiða byttan......

2006-08-08T23:55:00.000+02:00

Í dag er þriðjudagur og um helgina bætti ég persónulegt met. Met sem sumir eru kannski lítt stoltir af eða hreint og beint leyna en ég geri það hins vegar ekki vegna þess að ég hef alltaf verið aðeins of correct. Skynsami gæinn. En skynsami gæinn var drepinn um helgina þegar ég fór út á lífið þrjá daga í röð. Þessu hef ég aldrei áður náð. Og ástæðan er kannski ekki einungis sú að ég hef alltaf verið svo correct. Hún er líka fólgin í því að ég varð alltaf svo þunnur eftir djamm að ég orkaði ekki svona "make it-take it". Svo að uppi stendur stoltur en jafnframt pínu subbulegur Elli. En hey, það eru ekki allir sem eru menn í þetta (pínu skot á Hrannar og innviða slóðina sem hann skildi eftir í fossvoginum á laugardagin;)).

Núna styttist óðfluga í það að ég og gríslós fljúgum út. Eða eins og þau segja jafnan "fyrst förum við í bíl, svo förum við flugvél, svo förum við í lest og síðan förum við í leigubíl" og svo bætir Kara við hálfþreytt á þessu "...og svo þurfum við að labba upp allar tröppurnar með töskurnar". Hún verður snögg að venjast tröppunum eða helvítis stiganum eins og hann er venjulega kallaður meðal fullorðinna sem eiga leið upp þær.

Jæja, verð svo duglegur að blogga þegar ég kem út. Ætla að fara að bæta fleiri met. Detta í það á þriðjudegi...ég hef aldrei gert það áður. Ja eða hrynja í það með kardimommudropum (það er ekki til neinn bjór)...það hef ég heldur aldrei gert áður. Og geri líklega aldrei. Held að ég beili á því að setja fleiri met í bili. Set kannski einhver met "í félagi við aðra menn" úti sveit um helgina.

Bæjó, Elli.

Fullnaðarsigur...

2006-07-28T18:51:00.000+02:00

Jebb... tók Árósarháskóla á ippon ("júdískur" fullnaðarsigur) og náði fullnaðarsigri gagnvart þessum skröttum þarna í sálfræðiskor. Ég er sem sagt endanlega og fyrir fullt og allt kominn inn!!! Akkurat núna er ég að syngja in your face humm eitthvað. Ég er ánægður með þetta og þungu fargi af mér létt. Núna verður lítið mál að mótivera sig fyrir námið (á án nokkurs efa eftir að fá þessi orð í hnakkann seinna í vetur... og tilfinningin verður svipuð þeirri og að fá harðan snjóbolta í eyrað á köldum en blautum vetrardegi).

Ég er að fara í grill til meistara Snorra í kvöld. Hlakka mikið til enda er væntingarnar alltaf miklar þegar hann á annað borð reimar á sig svuntuna. Síðast fékk ég geðveika grillaða pítsu og núna verður án nokkurs efa eitthvað gúmmulaði. Daddi verður þarna líka þannig að þetta verður gaman. Ætla að sletta hóflega (það er ekki ærlega) úr klaufunum í kvöld. Tek hæglátu traktor aðferðafræðina á þetta. Enginn tryllingur en gríðarleg innri gleði sem í vætlar í rólegheitum út í dagsbirtuna. Ætli myndbirting þess að vera fullur af innri gleði en leyfa henni að vætla út í rólegheitum gæti ekki verið eitthvað á þessa leið: maður sem er nýbúinn að fá bestu fullnægingu lífs síns en er svo örmagna eftir "polkað" að hann fær sig ekki hreyft. Situr, ja eða liggur... allt eftir hentugleika og stellingum í það og það skiptið, grafkyrr og smælar bara framan í heiminn.

Jæja, ætla að fara plokka augnbrúnir, fleygja gúrkum á bauga, raka á mér bakið og klára þessi helstu verk sem þarf að klára fyrir kvöldið. Hey... og þið sem eigið heima í Árósum þá hlakka ég til að eyða með ykkur vetrinum. Sé ykkur.

Elli.

2006-07-26T19:41:00.000+02:00

Er búinn að vinna og kominn í sumarfrí!!! Múhahahahahahahahahahaha. Ég fór í golf áðan með Hrannari og Stebba hennar Eyglóar. Eins og við var að búast var ég slakur. Var að vísu mun betri á seinni 9. Ég hef ekki farið í golf í ages og fyrir hringinn var ég búinn að gefa mér 3 holur í rugl en þær urðu því miður 9. Hrannar vann mig en allt er nú einhvern tímann fyrst. Ég spilaði með settinu hans Dolla. Fínt sett sem er samt pínu styttra en mitt og þess vegna var ég alltaf að toppa boltann og skildi ekkert í því. Fattaði það seint og síðar meir. Ég er greinilega með svona dísil-fattara, seinn í gang en þegar hann er byrjaður....jísúss kræst.... þá verða vitringarnir að passa sig á hinum rökfasta Öskra Egils úr Breiðholtinu.

Anyways... fæ að vita eftir 2 daga hvort ég komist endanlega inn eður ei. Hvort ég fái að vera með Erlu og gríslós í vetur eða þurfi að vera hérna heima og læra og fljúga þá öðru hvoru út. Ég legg þetta bara í hendur annara og segi bara eins og Bubbi Morthens eða eins og ég kalla hann alltaf þegar við erum bara tveir að chilla-böbbí; "ég trúi því og vona...". Já, ég trúi því og vona að ég komist inn. Annað væri náttúrulega fáránlegt-án þess að maður fái rönd við reist ef þetta fer illa. Það á illa við mig að vera ekki við stjórnvölinn. En síðan er pælingin hvort maður hafi nokkurn tímann stjórn á e-u? Eða hvort stjórnin nái út fyrir mann sjálfan. Spurningar sem ég á erfitt með að graspa. Þá er lítið annað að gera en að fara með æðruleysisbænina og sleppa takinu.

Ég er búinn að missa tökin og farinn að tala út um handakrikann á mér. Segi því bless í bili.

bæjó.

Ég er á lífi...

2006-06-19T13:11:00.000+02:00

Hæ, ég ætlaði bara að láta vita af því að ég er á lífi.

Kominn til Íslands og byrjaður að vinna. Ég verð að vinna fyrir Geðrækt í sumar í samstarfsverkefni með Rauða krossinum. Fræðsla fyrir vinnuskólakrakka. Það verður mjög fínt. Ég er að vísu dofinn í geðveikinni sem fylgir Íslandi. Ekki farinn af stað á gulu og þá er bibað tryllingslega á mann. Allavega, ég nenni ekki að röfla yfir ruglinu hérna. Smæla bara eins og Megas framan í liðið.

Ég er kominn með íslenskt gsm-númer; 8430780

Ég verð líklega ennþá latari við að blogga í sumar en ég hef verið. Þannig að þið eigið nú ekki von á neinu stórkostlegu frá mér fyrr en í haust þegar ég fer aftur út.

Set hér með þessa síðu í "semi-sumarfrí".

Bæjó.

Elli.

2006-05-25T15:50:00.000+02:00

Hæ...

Ég var að lesa blogg hjá náunga sem ég þekki ekkert en mér finnst hann vera snillingur. Fór að spá í hvort ég væri að krossa einhverjar siðferðislínur prívasíunnar við það að kíkja á bloggið hans. Ekki það að ég veit vel að þið gerið þetta líka. Hluti af því að vera breyskur eins og allir auðvitað eru. Auk þess sem blogg er gert til að fleygja hugsunum sínum í faðm annarra. En það er pínu eins og maður sé að gluggagæjast (sem maður auðvitað er). Anyways...

Dottinn í bækurnar (mikið óskaplega hlýtur öðru fólki að leiðast það þegar stúdentar skrifa um námið sitt). Er ekki neinu stressi þannig að möguleikinn á að njóta er fyrir hendi. Sjúga bara uppl. og dunda sér. Spá í draslinu og sjá hvernig hægt er að færa það á aðra hluti. Hvaða próf ég gæti t.d. notað á Agga bróður og stríðnina hans (já eða það að hann sé tapsár í spilum-Aggi; víst ertu tapsár!!). Já, eða hvort jákvæð fylgni sé milli skrefalengdar hjá GT og kúkaferðum hans (Gunnar Tumi byrjar alltaf að hlaupa eins og brjálaður þegar hann er að fara kúka) og hvaða próf maður gæti notað á það. Skrefalengd gæti verið á bæði nominal og ordinal skala. Jafnvel fært hana á ratio skala... Voru þið dottin út-skil það vel. Ég skal hætta.

Nokkrir hlutir sem ég hef verið að spá í.

-Af hverju leyfði þetta fólk sér að púa á Ísland og Litháen (og raunar alla þá sem gáfu ekki Grikkjum 12 stig) í Júróvísjón? Það fór í taugarnar á mér.

-Er Da Vinci code í alvörunni ekki góð? Ég var búinn að sjá hana fyrir mér ótrúlega góða.

-Ætla ég aldrei að ná þessum hröðu skiptingum í Weezer lögum? Ég bara graspa þetta ekki.

Farinn. Ætla að taka endasprettinn í lærinu.

Elli

Síðasta próf, heimkoma og fjúk.

2006-05-24T09:55:00.000+02:00

"Time has told me.." hljómar í tólunum núna. Ég er að byrja að læra fyrir síðasta próf og hver er betri en Nick Drake til að setja þetta "all in perspective"? Er glaður og hress með þetta allt saman. Fínt að fara í pínu aðferðafræði (síðasta prófið mitt er statistik i psykologi) og dunda sér við að reikna. Prófið er 9. júni og ég kem heim daginn eftir. Ég kem sem sagt heim 10. júní með grislingana og Fannar. Þið sem eruð vinir mínir og vinkonur (eða bara öllum þeim sem þykir vænt um mig) megið endilega hringja í mig í 11. júni og dagana eftir og segja til dæmis "hæ Elli, langar þig að koma á kaffihús, barinn, sund, fara í fótbolta eða körfubolta, út að skokka, kíkja í gymmið, kíkja í kaffi, vera memm, koma í bíó, fara í útilegu?" eða bara segja eitthvað skemmtilegt (verð í síma 564-3392 og fæ síðan e-n gemsa). Ég er allavega farinn að hlakka til að koma heim í "fjúkið"-hvað er með það by the way? Ég var að tala við yndislegan pabba minn í gær og hann sagði við mig; "já það er nú hálf lélegt veður hérna. Svona fjúk- snjórinn fýkur svona meðfram götunum". Það er að koma fuckin´ júní! Gamla millet úlpan verður rennd upp í háls þegar við komum út í hurð á KEFLAVIK AIRPORT og krakkarnir teknir úr sandölunum og settir í snjógallann. En fín skipting svo sem-fjölskylda og vinir í staðinn fyrir gott veður. Maður fær varla allt í þessum heimi og fínt að gera sér grein fyrir því strax. Ágætis "bítti" að mínu mati.

Allavega, farinn í snilllinginn Hugh Coollican (endilega tékkið á kauða ef þið eruð að læra sálfræði. Hef aldrei lesið jafn skemmtilega kennslubók í sálfræði-statistik reyndar).

Bæjó.
Elli.

Haircut

2006-05-10T10:14:00.000+02:00

Jæja, sumarið er klárlega komið og til marks um það fór ég í sumarklippinguna......til Erlu.

Svona var þetta orðið fyrir haircut...

Og svona eftir....

Þið megið endilega kommenta á það hvernig ykkur finnst hafa tekist til. Ég veit að þetta er umdeilt og til dæmis finnst Lindu þetta mjög ljótt (hún segir að vísu að þetta sé "alveg mjög fínt"). Þannig að þið megið segja ykkar skoðun en mín skoðun er sú að ég er töffari!!! Svona Tóki munkur kind of töffari. Ég held samt að fóstrunum á leikskólanum hjá krökkunum hafi ekki litist á blikuna þegar útlenski pabbinn kom með hátrúarlega klippinguna að sækja börnin. Ég er viss um að þau tékkuðu á skólatöskunni minni og athuguðu hvort ég væri nokkuð líklegur til að bomba staðinn í tætlur í trúarstríði gegn bla...

Allavega, Heyri í ykkur.

Elli.

2006-05-02T23:21:00.000+02:00

Las yfir síðustu færslu og djöfull var hún leiðinlega, maður. Fuckin ei´. Alvörunni ég er ekki svona leiðinlegur-þið verðið að trúa mér.

Þannig að ég ákvað að setja inn pínu svona "ekki neitt færslu". Bara til að fá hina neðar á síðuna.

Allavega. Líklega kominn með hörkuvinnu fyrir sumarið. Kem með það seinna hver hún er-þegar hún er í hendi. En hún er killer. Annars er ég farinn að hlakka til að koma heim í sumar. Farinn að sakna Íslands svolítið. Hitta fólkið mitt, fara í sund og lifa í íslenska pakkanum í pínu stund.

Nenni ekki neinu bloggi núna. Ég skal vera úber skemmtilegur á morgun-ég lofa.

Góða nótt,
Elli.

Sunnudagur....

2006-04-30T12:35:00.000+02:00

Mér hefur alltaf fundist sunnudagar pínu skrítnir dagar. Veit ekki alveg af hverju. Mér líður á vissan hátt eins og ég verði að nota daginn. Gera eitthvað skemmtilegt, heilbrigt eða blaaaaaa. Samt finnst mér líka sunnudagar vera til þess gerðir að chilla bara alveg. Hanga bara. Andfýla, kaffi, ekki fara í sturtu, kúra yfir videospólu, leggja sig. Algjörar andstæður sem gera það stundum að verkum að ég er einhvern veginn ekki alveg rólegur í því sem ég ákveð að gera. Hvorn pakkann ég vel-andfýlukaffigeraekkineitt pakkann eða "yndislega" pakkann. Akkúrat núna eru báðir grislingarnir hjá vinum sínum í sleepover. Búin að hafa rosa gaman. Erla kemur á eftir og Fannar með henni. Og mér finnst ég knúinn til þess að gera eitthvað. Ryksuga, taka til (það er allt voða fínt hérna-ég tók til í gær). Meika ekki alveg að sitja fyrir framan tölvuna með kaffi. Vá, hvað ég er komplexaður. Allavega.

Ég fór í pool og fússball með Hrannari í gær á skítugasta stað sem ég veit um. Ok, hann heitir að vísu GAS STATION og gefur sig út fyrir að vera svona pínu "röff". Spilar skemmtilega klassíska rokkslagara, sýnir fótbolta á stóru tjaldi og er yfir höfuð stíliseraður sem svona strákastaður. En common. Það var svo ógeðslega óhreint að það var svona ryk-köngulóarvefur á öllum hátölurum og ljósum. Inn í fússball borðunum (þau voru með svona glerloki) voru rauðar skítaflugur sem hummuðu í kringum kallanna eins og aðdáendur. Og ljósin í fússball borðunum voru annað hvort ónýt eða blikkandi og fúnkeruðu þá sem strope fyrir dans skítaflugnanna. Það var allt fljótandi í hlandi á klósettinu og við það tækifæri sagði einn Daninn þegar Hrannar fór á klósettið "nar man skal, skal man bare" eins og það væri eðlilegasti hlutur í heimi að míga bara á gólfið ef manni væri nægilega mikið mál. Nei, andskotinn.

Allavega, ætla taka gítarsession. Sé ykkur.

Elli.

2006-04-25T21:02:00.000+02:00

Jíís, lúíís...

Ég var kominn með hálfan pistil hérna áðan en þurrkaði hann út. Þvílík froða sem getur oltið út úr mér. Las yfir draslið og skildi varla sjálfur hvað ég átti við. Þannig að ég byrja bara aftur.

Stutt update á stöðu mála:
-ég er ekki búinn að vera nægilega duglegur við lærdóm (but who cares? Ég smóka þessi próf hvort er).
-ég er hins vegar búinn að vera gríðarlega duglegur við flest annað. Þ.á.m. í ræktinni og bæta mig í því að skipuleggja þvottaferli til enda.
-ég á fallegustu konu í heimi sem er að fara leggja dægurmálaskrif Íslendinga að fótum sér- það gerir hún með vinstri áður en hún verður annar kvenforseti Íslands (ég er séður-náði mér í gellu sem er að fara þjéna skrilljónir í framtíðinni og svo ferðast ég bara með henni út um allan heim en þarf aldrei að vera með á þessum deadly leiðinlegu erindreka fundum-flý bara á næsta kaffihús:)
-ég er að verða nokkuð lunkinn á gítarinn. Kominn með gripin á hreint og spila næstum sómasamlega, alveg þangað til að kemur að helvítis þvergripunum. By the way; hver fann upp á þessum fáránlegu þvergripum? Getur ekki einhver Nietzche tónfræðinnar drepið þessi þvergrip, rétt eins og hann drap Guð? Það hlýtur að vera talsvert einfaldara verk, ekki satt?
-ég er frábær, já FRÁBÆR í singstar!!!! Ég er svo lagviss, ég er með svo yndislega fallega og þýða, ljúfa rödd sem rennur eins og vatn í gegnum glögg tóneyru. Ég er tónlistarleg unun í singstar. Þegar ég kem heim til Íslands í sumar þá ætla ég að vinna með þessa sönghæfileika enn frekar og að halda "kariókí kvöld Ella og co." og skora á fólk í karióki-battle svona eins og rapparnir gera í svörtustu Harlem. Síðan stend ég sveittur upp á sviði í lok kvöldsins. Ótvíræður sigurvegari-svona eins og Elvis þegar var farið að síga á seinnihlutann hjá honum blessuðum.

Þetta var svona "the basics" án þess að vera raunverulega kannski kjarninn í tilveru minni. En það er nú líka kannski þannig að tilveran fúnkerar best í hreyfingarleysi sínu. Svona "engar fréttir eru góðar fréttir" pæling. Þarf ekkert endilega að endurspegla hræðslu við breytingar eða vanafestu sem veldur því að maður hjakkar í sama ruggustólnum allt lífið og ruggar sér á meðan maður bíður eftir náunganum með ljáinn. Bara að tilveran rúllar. Ég vs. tilveran. Nei, ég plús tilveran og láta sig fljóta með. Gera það sem ég get til að vera glaður og hamingjusamur. Gera það sem ég get til að gera aðra glaða. Gera það sem ég get til að laga galla mína. Einföld atriði sem kristallast öll í því að maður hefur stjórn á lífi sínu. Maður ákveður að akta og aksjónið byggist á trausti gagnvart tilverunni í kringum sig.

Kannski að ég ætti að skrifa alíslenska sjálfshjálparbók sem myndi heita; Hífðu þig upp af rassgatinu, auminginn þinn!! Heldurðu að einhver annar geri það fyrir þig? Nei, auvitað ekki!! ,eftir Erlend Egilsson. Síðan kæmi svona falleg fjölskyldumynd af mér á baksíðunni sem væri í húrrandi þversögn við titilinn. Svo stæði á baksíðunnni; "Þýdd á yfir 40 tungumál. Hefur selst í sjötíuþúsundmilljónskrilljón eintökum. Ágóðann hefur Erlendur gefið allan til góðgerðamála þar sem konan hans er forseti hins smáa lýðveldis Íslands og því hefur hann ekkert við peninga að gera-hann hangir bara á kaffihúsum í útlöndum og skrifar bækur" . Nei, andskotinn. Nú er ég hættur. Sorry. Ég rugla bara hérna.

Allavega. Ég er farinn.

Servus, Elli.

2006-04-05T17:54:00.000+02:00

Staðan í Friends quiz-inu er þannig að:

1. Snorri 100
2. Bryndís 80
3. Elfa Björk 70
4. Einsi 70
5. Binni 70
6. Mía (þekki ég einhverja Míu-aðra en dóttur Lóu og Gunna?) 70
7. Hrabba 60
8. Hrannar 50
9. Óli 50
10. Vin 50
11. Hildur Sve. 50
12. Svana 50
13. Erla 30
14. Guðný 30
15. Hrönn 20
16. XY 20
17. Kiddi B. 10

Ok. Þetta gekk bara bærilega hjá flestum. Snorri (Snorri Steinn eða Snorri úr Breiðholti?) er þarna á toppnum. Ef þetta er Snorri Steinn þá liggur það í augum uppi að atvinnumenn í handbolta hafa EKKERT við tímann að gera-annað en að stúdera dægurþætti í sjónvarpi. Nei, bara djók. Þú ert samt nörd Snorri. Þetta var erfitt próf og ég vissi ekki helminginn af því áður en ég bjó til prófið. Það er nú samt greinilegt að sumir atvinnumenn í handbolta nýta tíma sinn í eitthvað annað og gáfulegra en að stúdera Joey og vini-allavega virðist Kiddi B. lítið velta Friends fyrir sér:)

Síðan eru nokkrir no-names þarna. Mía, Vin og XY. Það væri gaman að fá að vita hverjir þetta eru. En kannski ekkert lífsins nauðsynlegt svo sem.

Ég ætla að hafa matar-þema næst. Spurningar sem varða matarlist, hversu matur er næringarríkur eður ei o.s.frv. Gæti orðið skemmtilegt. Fucka þessum smámælta bretapjakk upp (Jamie Oliver). Þó hann sé eitthvað thing þarna hinum megin við sjóinn myndi hann skítfalla á prófinu mínu.

Allavega, farinn að elda mat handa rófunum. GT enn eina ferðina lasinn. Duddumál komin í rugl og hann borðar ekkert. Líklega verðum við Kara bara þeim mun duglegri við lasagna át.

Yfir og út
Elli.

Hún á afmæli í dag...

2006-04-04T22:37:00.000+02:00

Helgin liðin og ég á núna 6 ára dóttir! Hver hefði trúað því fyrir 6 árum síðan að ég myndi eiga yndislega 6 ára dóttur að 6 árum liðnum. Enginn. Ekki einu sinni ég sjálfur. En enginn veit ævi sína fyrr en öll er (ekki það að mín sé að kveldi komin; 7,9,13).

Tvö afmæli voru haldin. Eitt fyrir nánasta fólkið hérna í Árósum og síðan kom fylkingin. Leikskólinn hennar kom í dag í afmæli. 21 danskt barn og pedagógar með þeim. Þvílík hersing. En þau voru yndisleg. Kara var alveg með þetta. Hún er ótrúlegur gestgjafi. Hún er 6 ára gömul og ég kemst ekki með tærnar þar sem hún hefur hælana hvað þetta allt saman varðar. Hún smókar svona "host"-hlutverk. Hún var, og hefur verið í svona mánuð, mjög meðvituð um að hún sjálf væri að fara halda veislu. Ekki við foreldrar hennar heldur hún sjálf. Hún á svo sem ekki langt að sækja þessa hæfileika. Erla á ekki í miklum erfileikum með veisluhald.

En ég dáðist af Köru í dag. Allt klárt. Sá um að leggja á borð. Passaði sérstaklega að vera í góðu skapi þrátt fyrir að spennustigið væri ansi hátt (mamma hennar var nefnilega búin að segja henni að lykillinn að skemmtilegum afmælisveislum væri að afmælisbarnið væri í góðu skapi), passaði að allir fengju köku og síðan fór hún í það að mála liðið. Strákarnir á deildinni voru undir rest líka komnir í röðina ólmir í make-up. Það var líka tekinn handboltaleikur á ganginum þar sem ég og Kara vorum á móti rest (ég held svei mér þá að mér hafi fundist skemmtilegast í leiknum. Allavega var ég sá eini sem var farinn að svitna og sjá um að brjóta á strákunum í hinu liðinu). Síðan fór hún með múttu sinni í bæinn að kaupa afmælisgjöf frá ömmu og afa í Stigó. Hún var eitt stórt "Reynis-Pétursbros" allan daginn. Kom heim með bangsa sem er svo flottur að honum fylgir sérstakt fæðingarvottorð. Allavega, yndislegur dagur liðinn og yndisleg dóttir mín að verða fullorðin.

Heyri í ykkur.
Elli.

Heija

2006-03-30T16:32:00.000+02:00

Kominn í pakkann. Byrjaður í gyminu (reyndar fyrir talsvert löngu síðan). Ég er orðinn snælduvitlaus þarna. Gef allt og tek bara hálfkæfð öskur í síðustu repsum til að klára þetta. Fólkið skilur hvorki upp né niður í þessu (þetta er svona fín World Class-like stöð þar sem er endalaust að öfugum þríhýrningum og anorexíupjöllum sem komu í ræktina á fastandi maga og eru búnar að vera í 4 tíma í stigavélinni). Undra sig á gæjanum í hettupeysunni sem er ekki einu sinni þröng- "og hann er í buxum með gati og pínu málingu, má það alveg?". Ég var að vísu tiltölulega rólegur til að byrja með. Fóturinn var ennþá að stríða mér og ég var svo sem ekkert að taka mikið á því. EEENNN NÚNA, jíslúís. Það er eitt trix að þessu- svona hálfgert leyndó. Það er að hlusta á Rage against the macine á æfingum. Maður verður alveg crazy. Tilbúinn í 3 reps í viðbót og svo 2 eftir því. Ég er svo tilfinninganæmur að þegar ég hlusta á svona reiða músík er ég fær í flestan sjó. Árangurinn er svo sem ekkert rosalegur ennþá en góðir hlutir gerast hægt, ekki satt?

Var á netflakki og rak augun í nokkrar bloggsíður. Ég furðaði mig á því við lesturinn hversu fólk er gríðarlega misjafnt. Hvernig sumir sjá heiminn öðruvísi en aðrir og upplifa hann á allt annan hátt. Hvað gleði skín í gegn hjá sumum en sjálfsvorkun og "ekkertméraðkenna" pakki hjá öðrum. Ég var líka að hugsa það í strætó í dag hvort maður búi ekki bara alltaf til sinn eigin veruleika. Taka bara Patch Adams á þetta og kreista líf út úr öllu mögulegu. Í alvöru! Æji, ég er kominn út í rugl hérna. Næ ekki að klára þetta. Heyri í ykkur seinna.

Var búinn að lofa einhverjum myndum-þær koma. Ég lofa!

Elli.

Jæja smæja...

2006-03-27T17:42:00.000+02:00

Langt síðan ég hef nennt að blogga. Pabbi skammaði mig fyrir letina. En satt best að segja er ég með pínu prinsip í sambandi við þetta blogg. Það er að ég blogga bara þegar ég nenni svo þetta verði ekki að e-i kvöð.

Allavega. Margt hefur drifið á daga mína síðan síðast. Fór til Þýskalands síðustu helgi með bekkjarfélögum hans Hrannars. Fórum að sjá Hamborg-Dortmund í Hamborg. By the way, mér finnst Hamborg skítapleis, allavega sá partur sem ég sá af borginni. Ég geri mér alveg grein fyrir því að þetta er gríðarlega skekkt sýn en það sem ég sá var ekki upp á marga fiska. Ég veit að ég fékk bara nasaþefinn af borginni (vorum bara einn dag þarna í afmörkuðum hluta borgarinnar). Hún er skítug, er meðan þennan austur-þýska múrsteinabrag yfir sér án þess að maður nái að graspa sögu borgarinnar eins og maður gerir svo áþreifanlega t.d. í Leipzig. Einn strákurinn í bekknum hans Hrannars hafði búið þarna og fór með okkur í pínu túr um borgina. Aðallega þó hóruhverfið- akkúrat, ég veit hvað þið hugsið og það er alveg rétt. Djöfull eru þetta viðbjóðslega sorglegt. Eymdin skín úr andlitinu á greyið konunum. Með svona flótta-augnaráð eins og unglingar í rugli. Æi, þessi hluti ferðarinnar var ekki að mínu skapi. Rúsínan í pylsuendanum var svo strippklúbbur (sem ég og Clive-breski gæinn í hópnum- héldum að væri casino) þar sem við áttum á fá einhvern voða díl á bjór af því við vorum svo margir. Bjórinn kostaði síðan fucking 5 evrur!!!- það er HELMINGURINN af bjórkassa Þýskalandi. Ertu ekki að grínast-hvað mér fannst ég narraður. Síðan voru sætin þannig að maður sat eins og í bíói og allir snéru að sviðinu. Engin borð eða neitt- bara bekkir sem snéru að sviðinu. Síðan voru þessar blessuðu konur allar yfir fertugu og við sárvorkenndum þeim svo mikið að við meikuðum ekki að horfa í áttina að sviðinu. Störðum bara eins og hálfvitar ofan í bjórinn og snérum gegnt hvorum öðrum í svona 2og2 pörum og drifum okkur að klára bjórinn til að komast út. Allt hálf asnalegt.

En síðan var komið að sjálfum tilgangi ferðarinnar. Leikurinn. Hamborg spilar á AOL Arena sem er geðveikur leikvangur. Tekur um 60.000. Hann var kjaftfullur (56000 á vellinum). Við komum aðeins of seint (út af hel. hóruhverfinu- ég var brjálaður út af þessum seinagangi). Allavega svona var þetta:

Lögðum einhvers staðar í rassgati og þurftum að hlaupa í 10 mín. til að komast að vellinum. V0rum á mjög góðum stað í stúkunni. Eiginlega mitt á milli stuðningsmanna HSV og Dortmund. Dortmund á eitt besta stuðningliðið í Þýskalandi (eru eins og Toon army hjá Newcastle) og stuðningsmenn þeirra sungu allan tímann og voru með gígantískt stóra fána sem þeir veifuðu allan leikinn. Leikurinn var opinn og skemmtilegur. Mikið af góðum leikmönnum í báðum liðum og það var tiltölulega mikill hraði í leiknum. Leikurinn fór 2-4 fyrir Dortmund og eiginlega öll mörkin voru ótrúlega flott. Eftir leikinn voru HSV aðdáendurnir ekkert allt of ánægðir með lífið og tilveruna og við sáum nokkrar bullur vera leita að slágsmálum (drifum okkur í burtu starandi niður í jörðina) og finna einhver.

Allt í allt var þetta mjög skemmtileg ferð. Ég væri að vísu alveg til að fara aftur til Hamborgar og upplifa hana eftir mínu höfði. Fara í "almennileg" hverfi (þe. hverfi með fólki í fötunum)-kíkja á kaffihús og sjá hvað það er sem gerir hana fallega en ekki ógeðslega. Kannski býð ég bara Erlu í rómantíska helgarferð niður eftir einhvern tíma. Það væri gaman. Ég er nefnilega viss um að borgin hefur upp á margt annað að bjóða.

Ég verð líka láta fólk vita af því að ég rústaði hornafjarðarmanna í bílnum á leiðinni-Guðni og Hrannar sáu aldrei til sólar. Þeir voru að vísu talsvert duglegri en ég í bjórnum og ég held að það hafi verið farið að setja þá út af laginu undir rest. En sigur engu að síður staðreynd.

Smelli inn myndum frá þessari ferð á eftir.

Servus,
Elli.

2006-03-20T11:07:00.000+01:00

Búið að vera tómt fuck á þessari síðu. Ég er ekki búinn að komast inn á hana og þetta var allt í vitleysu. Þurfti meira að segja að eyða síðunni og starta nýrri. Allavega, ég er búinn með Friends prófið. Það er hel. erfitt (það nefnilega svo mikið til af Friends nördum) og þeir sem eru fair fá líklega ekki 100 stig. Ég mana ykkur til að svindla ekki og sjá hvað þið fáið!!! Prófið er hér.

Kveðja,
Elli

2006-03-17T16:20:00.000+01:00

Það hefur verið gríðarlega góð þátttaka í quiz-inu. Framar vonum verð ég að segja. Mikið af skemmtilegu fólki búið að taka þátt og sumir hafa gert betur en aðrir. Matta (10%) og Binni (20%) komu ógnvænlega sterk til leiks en áttu bæði við einhver eymsl að stríða meðan á keppni stóð og því var frammistaða þeirra ekki betri. Binni var meiddur á hné eftir allt golfið í íslenska vorinu og Matta var í vandræðum með hægri vísifingur og lenti í klúðri með músina. Þau eru bæði í meðferð hjá sjúkraþjálfara og verða klár í næstu umferð. Kiddi B tók þátt og það var gaman að sjá að minn gamli vinur stóð sig með prýði (60%). Hildur Sve. kom sterk inn (70%) og Hilda og Harpa kjölfarið með 60%. En staðan er svona eftir 1. umferð:

1. Einar Hólmgeirs. 100
2. Hrabba 100
3.Dúddi Fiskur (Hrannar) 100
4.Erla 80
5.Snorri 80
6.Mamma 80
7.Bryndís 80
8.Hrannar 80
9.Guðný Helga 70
10.Hildur Sverris 70
11.Linda Dröfn 60
12.Hilda 60
13.Kiddi B. 60
14.Harpa 60
15.Óli 50
16Pabbi 50
17.Egill bróðir 40
18.Ívar 40
19.Tengdamamma 30
20.Sigga B. 30
21.Hrönn 30
22.Ágúst Þór 30
23.Binni 20
24.Matta 10

Til skýringar á spurningunum á síðasta prófi, þá er það alveg rétt að ég er ekki með kastaníubrúnt hár en þar kemur einmitt inn í hversu vel þú þekkir mig. Þegar ég var lítill var ég svona semi-rauðhærður (brúnrautt) og mamma mín sagði alltaf að ég væri með fallega kastaníubrúnt hár. Við þessu gleypti ég og hef (í gríni) alltaf haldið því fram að ég sé með kastaníubrúnt hár út af því að mamma sagði það. Anyways, eða eins og dómararnir í Gettu betur segja "annað kom nú bara".

Ég var búinn að lofa nýju quiz-i. Það kemur á eftir. Get ready, þetta verður dauði!! Friends dauði. Ákvað að hafa Friends þema af því það er svo mainstream og allir horfa á Friends. Þú veist, komin í Danann (ja, eða bara Dísu mömmu hans Dadda); "allir í góðu skapi". Kerfið sem verður á þessu er að maður heldur skorinu sínu í gegnum quiz-in. Þe. það verður ekki prósentukerfi heldur fær maður 100 stig fyrir alla rétta og svo framvegis. Quiz #2 sem sagt á morgun. Bannað að svindla (gera fyrstu 9, beila og taka síðan aftur- eða eins og þetta er nú oftast nær kallað í Danmörku "hey, hann tók Einsa á þetta!!"). Annars er þetta ekkert skemmtilegt. Sem sagt, Friends þema sem kemur inn á eftir. Allir að vera með (líka þú Daddi!!).

By the way, ykkur strákum sem eigið heima í Árósum (eða í kring) er boðið í íslenskt karlapartý hjá mér á laugardaginn.

Kveðja, Elli.

Update

2006-03-17T16:16:00.000+01:00

Smá update á stöðu mála. Staðan í keppninni er orðin gríðarlega spennandi strax í fyrsta quiz-i. Einsi læddist bakdyramegin á toppinn og er sem stendur einn í efsta sætinu með fullt hús stiga. Vægast sagt ótrúlegur árangur. Það er ótrúleg vitneskja að vera með hærra skor en konan mín og móðir á prófi um mig. En sýnir kannski að æskuvinátta deyr seint (það voru nú reyndar nokkrar svona "æsku" spurningar-eins og fótboltaspurningin).

Erla, mamma, Hrannar og Bryndís koma þarna í humátt á eftir með 80% árangur. Erla virðist hafa brotnað eitthvað undan pressu. Nokkur vonbrigði með hennar árangur. Enda verður að segjast að hún var klárlega líklegur kandídat sem "frontrunner" eftir fyrsta quiz. En svona er þetta bara. Þetta var bara greinilega ekki hennar dagur (eða þekkir hún mig í alvöru ekki betur? Nei, ég trúi því barasta ekki). Bryndís kemur óvænt inn í topp baráttuna eftir fyrsta quiz. Stóð sig vonum framar. Mútta klikkaði ekki (gat náttúrulega ekki fótbolta spurninguna). Og Hrannar er á pari.

Ég verð nú aðeins að nefna Lindu Dröfn og pabba. Vonbrigði fyrstu umferðar. Fólk sem átti að gera betur. Ók, kannski trixie spurningar inn á milli, en hey! Guðný rústaði ykkur og Bryndís líka. Einsi er svo langt á undan ykkur að hann myndi ekki sjá ykkur þó hann liti til baka. En sem betur fer (ykkar vegna) er þetta ekki búið. Það er mikið eftir. Kannski erfitt að byrja illa en þá er bara að hysja upp um sig og byrja að læra heima (Linda; þetta á við á fleiri vígstöðum hjá þér). Gaman að sjá Óla og Hrönn taka þátt. Allavega, staðan er hérna í fyrstu umferðina.

1. Einar Hólmgeirs. 100
2. Erla 80
3. Mamma 80
4. Bryndís 80
5. Hrannar 80
6. Guðný Helga 70
7. Linda Dröfn 60
8. Óli 50
9. Pabbi 50
10. Sigga B. 30
11. Hrönn 30

Hérna er linkurinn inn á quiz-ið fyrir þá sem vilja vera með (ekki hika, þetta er gaman): http://www02.quizyourfriends.com/yourquiz.php?quizname=060308123556-591705&a=01

Með baráttukveðjum (þetta fer harðnandi),

Elli

Hrunið

2006-03-17T16:13:00.000+01:00

Helvítis helvíti.

Þetta hrundi allt á þessari síðu og ég þurfti að starta þessu öllu aftur. En fuck it. Geri það bara. Tekur kannski smá tíma.

Kveðja,
Elli